தேசிய அரசாங்கத்தின் தலைவர் மைத்திரிபால, என்பதை ரணில் நினைவில் வைத்துக்கொள்ள வேண்டும்
பாராளுமன்றத்தை கலைக்கும் அதிகாரம் பிரதமர் ரணில் விக்கிரமசிங்கவிற்கு இல்லை என்று தெரிவித்துள்ள ஜாதிக ஹெலஉறுமய ஜனாதிபதி மைத்திரிபால சிறிசேனவே இன்னும் நிறைவேற்று அதிகாரத்தை கொண்டுள்ளதாகவும் குறிப்பிட்டுள்ளது.
அரசாங்கத்தின் நூறு நாள் வேலைத் திட்டத்தினை செயற்படுத்தவே ஐக்கிய தேசியக் கட்சியுடன் இணக்கப் பாட்டினை மேற்கொண்டதாகவும் அதற்காக அந்தக்கட்சிக்குப் பின்னால் செல்லவேண்டும் என்ற அவசியமில்லை என்றும் அக்கட்சி கூறியுள்ளது.
பத்தரமுல்லையில் இடம்பெற்ற செய்தியாளர் சந்திப்பின் போதே அக்கட்சியின் ஊடகப் பேச்சாளர் நிஷாந்த ஸ்ரீ வர்ணசிங்க மேற்கண்டவாறு தெரிவித்தார். அவர் மேலும் கூறியதாவது;
ஆட்சிப் பாதையினை மாற்றியமைக்க வேண்டிய தேவை ஏற்பட்ட போது எமக்கு இருந்த ஒரே வழிமுறை தேசிய அரசாங்கத்தினை அமைப்பது மட்டுமேயாகும். அதற்காக இரு பிரதான கட்சிகளும் ஒன்றிணைய வேண்டிய தேவை இருந்தது. ஆனால் இதில் யார் பலமானவர்கள் யார் அரசாங்கத்தினை அமைக்க தகுதியானவர் என்பதற்கு அப்பால் மக்களின் வாழ்வாதாரத்தினை மாற்றி நாட்டின் திசையினை மாற்றியமைக்கவே அனைவரும் ஒன்றிணைந்தோம் இன பாகுபாடுகளுக்கு அப்பால் அனைத்து கட்சிகளும் ஒரு அணியில் புரிந்துணர்வுடன் இணைந்து கொண்டோம். அதேபோல் நூறு நாட்கள் வேலைத்திட்டத்தினை ஆரம்பித்து மக்களுக்கு கொடுத்த வாக்குறுதிகளை நிறைவேற்றுவதாக வாக்குறுதிகளையும் வழங்கினோம். எனவே கட்சி பேதத்தினை மறந்து முதலில் நாம் மக்களுக்கு கொடுத்த வாக்குறுதிகளை நிறைவேற்ற வேண்டும். அதே போல் நூறு நாள் வேலைத்திட்டத்தின் பின்னர் நாம் தொடர்ந்தும் தேசிய அரசில் பயணிக்க முடியாது. பொதுத் தேர்தலில் தனித்து போட்டியிட்டு ஆட்சியமைக்க வேண்டிய கட்டாயம் உள்ளது. அதற்கு சகல கட்சிகளும் தயாராக உள்ளதாகவும் கட்சிகள் தெரிவித்துள்ளன. எனவே மக்கள் தெளிவான தீர்மானங்களை எடுக்கும் வரையிலும் தேசிய அரசாங்கத்திலும் தனித்து கட்சிகள் போட்டியிடுவதிலும் சிக்கல்கள் எவையும் ஏற்படாது.
இந்நிலையில் பிரதமர் ரணில் விக்கிரமசிங்க தன்னிச்சையாக செயற்படுவதாக ஊடகவியலாளர் ஒருவர் கேள்வி எழுப்பிய போது தேசிய அரசாங்கம் அமையப்பெற்றுள்ளது.
ஜனாதிபதியாக மைத்திரிபால சிறிசேன தெரிவு செய்யப்பட்டுள்ளார். ஆனால் நிறைவேற்று அதிகாரங்கள் இன்னும் குறைக்கப்படவில்லை. நூறு நாட்கள் முடியும் வரையில் ஜனாதிபதியின் அதிகாரங்கள் நீக்கப்பட போவதில்லை. இவ்வாறானதொரு நிலையில் பிரதமர் ரணில் விக்கிரமசிங்கவினல் பாராளுமன்றினை கலைக்கவோ அல்லது அதிகாரங்களை பயன்படுத்தவோ அதிகாரம் இல்லை. அதேபோல் ஊடகங்களை எச்சரிக்க எவருக்கும் அதிகாரமில்லை. இவர்கள் தனித்து பயணிக்க விரும்புவாராயின் அது பொதுத் தேர்தலின் பின்னரே முடியும். அதுவரையில் தேசிய அரசாங்கம் மட்டுமே இயங்கும். அதன் தலைவர் ஜனாதிபதி மைத்திரிபால சிறிசேன என்பதை நினைவில் வைத்துக்கொள்ள வேண்டும் எனவும் குறிப்பிட்டார்.
அரசாங்கத்தின் நூறு நாள் வேலைத் திட்டத்தினை செயற்படுத்தவே ஐக்கிய தேசியக் கட்சியுடன் இணக்கப் பாட்டினை மேற்கொண்டதாகவும் அதற்காக அந்தக்கட்சிக்குப் பின்னால் செல்லவேண்டும் என்ற அவசியமில்லை என்றும் அக்கட்சி கூறியுள்ளது.
பத்தரமுல்லையில் இடம்பெற்ற செய்தியாளர் சந்திப்பின் போதே அக்கட்சியின் ஊடகப் பேச்சாளர் நிஷாந்த ஸ்ரீ வர்ணசிங்க மேற்கண்டவாறு தெரிவித்தார். அவர் மேலும் கூறியதாவது;
ஆட்சிப் பாதையினை மாற்றியமைக்க வேண்டிய தேவை ஏற்பட்ட போது எமக்கு இருந்த ஒரே வழிமுறை தேசிய அரசாங்கத்தினை அமைப்பது மட்டுமேயாகும். அதற்காக இரு பிரதான கட்சிகளும் ஒன்றிணைய வேண்டிய தேவை இருந்தது. ஆனால் இதில் யார் பலமானவர்கள் யார் அரசாங்கத்தினை அமைக்க தகுதியானவர் என்பதற்கு அப்பால் மக்களின் வாழ்வாதாரத்தினை மாற்றி நாட்டின் திசையினை மாற்றியமைக்கவே அனைவரும் ஒன்றிணைந்தோம் இன பாகுபாடுகளுக்கு அப்பால் அனைத்து கட்சிகளும் ஒரு அணியில் புரிந்துணர்வுடன் இணைந்து கொண்டோம். அதேபோல் நூறு நாட்கள் வேலைத்திட்டத்தினை ஆரம்பித்து மக்களுக்கு கொடுத்த வாக்குறுதிகளை நிறைவேற்றுவதாக வாக்குறுதிகளையும் வழங்கினோம். எனவே கட்சி பேதத்தினை மறந்து முதலில் நாம் மக்களுக்கு கொடுத்த வாக்குறுதிகளை நிறைவேற்ற வேண்டும். அதே போல் நூறு நாள் வேலைத்திட்டத்தின் பின்னர் நாம் தொடர்ந்தும் தேசிய அரசில் பயணிக்க முடியாது. பொதுத் தேர்தலில் தனித்து போட்டியிட்டு ஆட்சியமைக்க வேண்டிய கட்டாயம் உள்ளது. அதற்கு சகல கட்சிகளும் தயாராக உள்ளதாகவும் கட்சிகள் தெரிவித்துள்ளன. எனவே மக்கள் தெளிவான தீர்மானங்களை எடுக்கும் வரையிலும் தேசிய அரசாங்கத்திலும் தனித்து கட்சிகள் போட்டியிடுவதிலும் சிக்கல்கள் எவையும் ஏற்படாது.
இந்நிலையில் பிரதமர் ரணில் விக்கிரமசிங்க தன்னிச்சையாக செயற்படுவதாக ஊடகவியலாளர் ஒருவர் கேள்வி எழுப்பிய போது தேசிய அரசாங்கம் அமையப்பெற்றுள்ளது.
ஜனாதிபதியாக மைத்திரிபால சிறிசேன தெரிவு செய்யப்பட்டுள்ளார். ஆனால் நிறைவேற்று அதிகாரங்கள் இன்னும் குறைக்கப்படவில்லை. நூறு நாட்கள் முடியும் வரையில் ஜனாதிபதியின் அதிகாரங்கள் நீக்கப்பட போவதில்லை. இவ்வாறானதொரு நிலையில் பிரதமர் ரணில் விக்கிரமசிங்கவினல் பாராளுமன்றினை கலைக்கவோ அல்லது அதிகாரங்களை பயன்படுத்தவோ அதிகாரம் இல்லை. அதேபோல் ஊடகங்களை எச்சரிக்க எவருக்கும் அதிகாரமில்லை. இவர்கள் தனித்து பயணிக்க விரும்புவாராயின் அது பொதுத் தேர்தலின் பின்னரே முடியும். அதுவரையில் தேசிய அரசாங்கம் மட்டுமே இயங்கும். அதன் தலைவர் ஜனாதிபதி மைத்திரிபால சிறிசேன என்பதை நினைவில் வைத்துக்கொள்ள வேண்டும் எனவும் குறிப்பிட்டார்.
Post a Comment