''காலம் ரொம்பவும் விசித்திரமானது''

Mabrook UL (மப்றூக்) பேஸ்புக் பக்கத்திலிருந்து...!

2009 ஆம் ஆண்டு.

மு.கா. தலைவர் ரஊப் ஹக்கீம் - நோன்பு துறக்கும் நிகழ்வொன்றுக்காக அக்கரைப்பற்று வர இருந்தார்.

மு.காங்கிரசின் தற்போதைய அக்கரைப்பற்று அமைப்பாளர் எஸ்.எல்.எம். ஹனீபா மதனி தலைமையிலான குழுவினர், ஹக்கீம் கலந்து கொள்ளும் மேற்படி நிகழ்வை ஏற்பாடு செய்திருந்தனர்.

ஆனால், ஹக்கீமை - அக்கரைப்பற்றுக்குள் நுழைய விடுவதில்லை என்று - அமைச்சர் அதாஉல்லா தீர்மானித்தார்.

அதனால், அக்கரைப்பற்றின் பிரதான வீதிகளில், அமைச்சர் அதாஉல்லாவின் ஆட்கள் டயர்களைப் போட்டு எரித்தார்கள், வீதிகளில் நின்று அட்டகாசம் புரிந்தார்கள். இவை அனைத்தினையும் - அக்கரைப்பற்றிலுள்ள, நீர் வழங்கல் அதிகார சபைக்குச் சொந்தமான சுற்றுலா விடுதியில் இருந்து கொண்டு, அமைச்சர் அதாஉல்லா வழி நடத்திக் கொண்டிருந்தார்.

நண்பகல் தாண்டிக் கொண்டிருந்தது.

ஹனீபா மதனி - அக்கரைப்பற்று பிரதான வீதியில் அமைந்துள்ள தனது மோட்டார் சைக்கிள் விற்பனை செய்யும் நிலையத்தில் இருந்து கொண்டிருந்தார். அப்போது, வேனில் வந்த சிலர் - திடீரென ஹனீபா மதனியின் விற்பனை நிலையத்துக்குள் புகுந்து, அவரை பலாத்காரமாக ஆயுத முனையில் கடத்திச் சென்றனர். 

#

நீர் வழங்கல் அதிகாரசபையின் அக்கரைப்பற்று பிராந்தியத்துக்கான சுற்றுலா விடுதி.

அமைச்சர் அதாஉல்லா, விடுதிக்குள் - ஓர் கட்டிலில் சாய்ந்து அமர்ந்திருக்கின்றார்.

கீழே, அமைச்சரைச் சுற்றிலும் - கிழக்கு மாகாணசபை அமைச்சர் உதுமாலெப்பை உள்ளிட்ட அதாவின் வலது - இடது கரங்கள் உட்கார்ந்திருக்கின்றார்கள்.

அப்போது, ஆயுதமுனையில் கடத்தப்பட்ட ஹனீபா மதனி, அக்கரைப்பற்றிலுள்ள நீர் வழங்கல் அதிகாரசபைக்கு சொந்தமான சுற்றுலா விடுதிக்குக் கொண்டுவரப்பட்டு, அதாஉல்லாவின் முன்னால் நிறுத்தப்படுகிறார்.

அமைச்சர் அதாஉல்லாவைக் கண்டதும் ஹனீபா மதனி கோபப்படுகிறார்.

ஹனீபா மதனி: நீங்கள் பாரசீகப் பேரரரசர். உங்கள் சபைக்கு என்னைக் கைது செய்து கொண்டு வந்திருக்கிறீர்களோ?

அதாஉல்லா: இல்லை. நான் உங்களை கடத்தச் சொல்லவில்லை. இவனுகள் ஏதோ கோபத்தில்... அதுசரி, ரஊப் ஹக்கீமை நீங்கள்தானாமே அக்கரைப்பற்றுக்கு கூட்டி வாரீங்களாம்...

இருவருக்குமிடையில் வாக்குவாதம் தொடர்கிறது. 

#

அமைச்சர் அதாஉல்லாவிடம் ஹனீபா மதனி கடத்திச் செல்லப்பட்டபோது, ஏ.எல். தவமும் அங்கிருந்தார். அப்போது, அமைச்சர் அதாஉல்லாவின் கட்டளைகளை நிறைவேற்றுகின்றவராக - தவம் செயற்பட்டார். அக்கரைப்பற்று பிரதேச சபையின் தவிசாளராகவும் தவம் பதவி வகித்தார். 

#

அமைச்சர் அதாஉல்லாவின் இந்த அட்டகாசம் காரணமாக, மு.கா. தலைவர் ரஊப் ஹக்கீமுக்கு - அன்றைய தினம் அக்கரைப்பற்றில் ஏற்பாடு செய்யப்பட்டிருந்த, நோன்பு துறக்கும் நிகழ்வில் கலந்து கொள்ள முடியவில்லை.

நூற்றுக் கணக்கான தனது கட்சி ஆதரவாளர்களோடு, ஹக்கீம் அக்கரைப்பற்றுக்குள் நுழைய முற்பட்டபோது, அதாஉல்லாவின் ஆட்கள் - கடுமையான தாக்குதலை நடத்தினார்கள். இதன் காரணமாக, அட்டாளைச்சேனை பிரதான வீதியின் நடுவில் அமர்ந்து கொண்டு, தனது ஆதரவாளர்களுடன் - அன்றைய தினம், ஹக்கீம் நோன்பு துறந்தார்.

#

அக்கரைப்பற்றில், மாற்றுக் கட்சிக்காரர்களுக்கு சதித் திட்டம் தீட்டுவதற்கும், அதைச் செயற்படுத்துவதற்குமான இடமாக, நீர் வழங்கல் அபிவிருத்தி அதிகாரசபையின் சுற்றுலா விடுதியைத்தான் அமைச்சர் அதாஉல்லா பயன்படுத்தி வந்தார்.

அமைச்சர் அதாஉல்லாவின் நிழல் அரசாங்கம், இந்த சுற்றுலா விடுதியில்தான் செயற்பட்டு வந்தது. 

#

இன்று.

அதாஉல்லா - அமைச்சர் பதவியில் இல்லை.

மு.கா. தலைவர் ரஊப் ஹக்கீம் - நீர்வழங்கல் துறை அமைச்சராக பொறுப்பேற்கிறார்.

நீர் வழங்கல் அதிகாரசபையின் அக்கரைப்பற்றில் அமைந்துள்ள சுற்றுலா விடுதியில், இனி - ஹக்கீம் வந்து தங்கி விட்டுச் செல்வார்.

அந்தச் சுற்றுலா விடுதிக்குள் - ஹனீபா மதனி போன்றவர்கள், இனி - அடிக்கடி சுதந்திரமாகப் போய் வருவார்கள். 

#

அப்போது, ஹனீபா மதனியை கடத்திய - அமைச்சர் அதாஉல்லாவின் கும்பலில் இருந்த தவம், இப்போது - மு.காங்கிரசில் இணைந்து, கிழக்கு மாகாணசபை உறுப்பினராகி விட்டார்.

#

அமைச்சர் அதாஉல்லா நிர்மாணித்த அக்கரைப்பற்று மாநகரசபையின் எதிர்கட்சி தலைவராக - ஹனீபா மதனி, இன்று பதவி வகிக்கிறார். 

#

அமைச்சர் உதாஉல்லாவின் நிழல் அரசாங்கம் நடந்த கோட்டையில், இனி - மு.கா.வின் கொடி பறக்கும்!

#

காலம் ரொம்பவும் விசித்திரமானது!

#