கண்ணுக்கு தெரியாத அழகியைவிட, கண்ணுக்கு தெரிந்த பேய் நல்லது என்பதனை நீங்கள் புரியவேண்டும்
கொழும்பு வர்த்தக சங்கத்தின் வர்த்தகர்களுக்கும் ஜனாதிபதி மஹிந்த ராஜபக் ஷவுக்கும் இடையிலான சந்திப்பு ஒன்று கொழும்பு பண்டாரநாயக்க சர்வதேச ஞாபகார்த்த மண்டபத்தில் நடைபெற்றது. இந்நிகழ்வில் கலந்து கலந்துகொண்டு உரையாற்றிய ஜனாதிபதி மஹிந்த ராஜபக்ஷ,
நாட்டின் முப்பது வருட காலமாக நிலவிய கொடிய யுத்தத்தின் போது மக்களை பாதுகாத்திடவும் மற்றும் நாட்டை அபிவிருத்தி பாதைக்கு கொண்டு செல்வது உள்ளிட்ட பாரிய பொறுப்பு என்னிடம் காணப்பட்டது. இவ்விரண்டையும் மக்களின் ஒத்துழைப்புடன் செய்துள்ளேன் என நான் நினைக்கின்றேன். அன்றைய கால கட்டங்களில் கப்பம் கேட்கும் மற்றும் பாதாள உலக தலைவர்களின் அச்சுறுத்தல்கள் வர்த்தகர்கள் உட்பட அமைச்சுக்களுக்கும் பாரிய பிரச்சினையாக காணப்பட்டது. இன்று அவர்களின் நடவடிக்கைகள் முற்று முழுவதுமாக ஒடுக்கப்பட்டுள்ளது.
இன்று எமது நாடு பாரிய அபிவிருத்தியை கொண்டு பயணிக்கின்றது. இதனை எந்த சக்தியாலும் இடை நிறுத்த அனுமதியளிக்க போவது இல்லை. பொது எதிரணியின் தேர்தல் விஞ்ஞாபனத்தில் குறிப்பிடப்பட்டுள்ள விடயங்களில் மக்களுக்கும் நாட்டிற்கும் எவ்வித பயன்களும் இல்லை. இவை வெறுமனே வாக்குகளை பெறுவதற்கு தயாரிக்கப்பட்ட ஒன்று எதிரணியின் விஞ்ஞாபனத்தில் குறிப்பிட்டவற்றை நடைமுறைப்படுத்த வேண்டுமாயின் நாடானது பாரிய கடன் சுமையை எதிர்நோக்க நேரிடும். எதிரணியின் நூறு நாள் வேளை திட்டமானது அர்த்தம் அற்றது. இவர்களின் செயற்றிட்டங்கள் நடைமுறைக்கு சாத்தியமற்றது.
யுத்தத்தை நான் முன்னெடுத்த போது எனக்கு சர்வதேச உட்பட பல்வேறு வகையிலும் எனக்கு அச்சுறுத்தல்கள் ஏற்பட்டது. இது தொடர்பில் நான் எவ்வித தீர்மானங்களையும் எடுப்பதற்கு தயங்காமல் மக்களை பாதுகாக்க எனது நடவடிக்கைகளை தொடர்ச்சியாக முன்னெடுத்தேன்.
தேர்தல் அண்மிக்கும் இத்தருணத்தில் தனிப்பட்ட சுயநலனுக்காக என்னுடன் இருந்து இறுதி திகதி வரை அப்பம் சாப்பிட்ட பொது வேட்பாளருடன் சில அமைச்சர்கள் இணைந்துள்ளனர். கண்ணுக்கு தெரியாத அழகியை விட கண்ணுக்கு தெரிந்த பேய் எமக்கு நல்லது என்பதனை நீங்கள் புரிந்து கொள்ள வேண்டும் என இதன் போது மஹிந்த ராஜபக் ஷ மேலும் தெரிவித்தார்.
அப்பாடா இப்போதாவது நீங்கள் பேய் என்பதை ஒத்துக் கொண்டீர்களே! ரெம்ப நன்றி. ஒருவகையில் தற்போதைய ஆட்சி பேய்களின் ஆட்சி என்பதை சூசகமாக சொல்லிவிட்டீர்கள்.
ReplyDelete