ரிசாத் பதியுதீன் போன்று அவசரப்பட்டு, அள்ளுண்டு போகவேண்டிய அவசியமில்லை - ரவூப் ஹக்கீம்

ஜனாதிபதித் தேர்தலில் யாரை ஆதரிப்பது என்பது தொடர்பில் தமிழ்த் தேசியக் கூட்டமைப்பு இன்னமும் அவசரப்படாத நிலையில், ஸ்ரீலங்கா முஸ்லிம் காங்கிரஸ் ஏன் அவசரப்படவேண்டுமென கேள்வி எழுப்பியிருக்கும் முஸ்லிம் காங்கிரஸ் தலைவர் ரவூப் ஹக்கீம், அரசு தரப்பில் சாதகமான சமிக்ஞைகள் காணப்படுவதால் முடிவெடுப்பதை தாமதப்படுத்த வேண்டியுள்ளதாகவும் தெரிவித்திருக்கிறார்.

நேற்று மாலை ரவூப் ஹக்கீம் விடுத்திருக்கும் செய்தியில் மேலும் தெரிவிக்கப்பட்டிருப்பதாவது;

ஜனாதிபதித் தேர்தலில் எந்த வேட்பாளருக்கு ஆதரவு அளிப்பது என்பது தொடர்பில் ஸ்ரீலங்கா முஸ்லிம் காங்கிரஸ் இறுதி முடிவை மேற்கொள்வதற்கு இன்னும் சில நாட்கள் தாமதமாகலாம் என்ற நிலையில் பிரதான வேட்பாளர்கள் இருவரினதும் தரப்புகளிலிருந்தும் சாதகமான சமிக்ஞைகள் கிடைத்துள்ளன.

ஸ்ரீலங்கா முஸ்லிம் காங்கிரஸின் முக்கிய கோரிக்கைகளை அரசாங்கம் இன்னும் சில நாட்களில் நிறைவேற்றுவதற்கான சாத்தியக்கூறுகள் உள்ளன என நம்பிக்கை தெரிவித்துள்ள கட்சிக்கு வழங்கப்பட்டிருந்த வாக்குறுதிகளை நிறைவேற்றுவதில் அரசாங்கத் தரப்பில் பின்னடைவு காணப்படுமானால் எதிரணி வேட்பாளரை ஆதரிக்க வேண்டிய நிர்ப்பந்தம் ஏற்படும் என்றும் கூறியுள்ளார்.

புதன்கிழமை முற்பகல் பொருளாதார அபிவிருத்தி அமைச்சர் பசில் ராஜபக்ஷ, முஸ்லிம் காங்கிரஸ் தலைவர் அமைச்சர் ரவூப் ஹக்கீம், கட்சியின் செயலாளர் நாயகம் எம்.ரீ. ஹசனலி உட்பட ஏனைய பாராளுமன்ற உறுப்பினர்களில் சிலரான பைசல் காசிம் ,எம்.எஸ்.தௌபிக், முத்தலிப் பாவா பாரூக் ஆகியோருடன் இன்னொரு கட்டப்பேச்சுவார்த்தையில் ஈடுபட்டுள்ளார்.

அமைச்சர் பசில் ராஜபக்ஷவின் அழைப்பின் பேரில் அவரை சந்திப்பதற்கு முன்னர் பிரஸ்தாப பாராளுமன்ற உறுப்பினர்களிடம் கருத்துத் தெரிவித்த முஸ்லிம் காங்கிரஸ் தலைவர், கட்சியின் பெறுமானம் உச்சக்கட்டத்தை அடைந்திருக்கும் இக் கட்டத்தில்  சமூகத்திற்கான அவசியத் தேவைகளைச் சாதித்துக்கொள்வதில்தான் சாணக்கியம் இருப்பதாகவும் கூறியுள்ளார்.

கரையோர மாவட்டம்  தொடர்பில் தயாரிக்கபப்பட்டு பொதுநிர்வாக உள்நாட்டு அமைச்சரால் சமர்ப்பிக்கப்படும் அமைச்சரவைப் பத்திரத்தை மேலும் நியாயப்படுத்தும் வகையில் மகிந்த சிந்தனை 1 (ஒன்று) இல் இடம்பெற்றிருந்த ஓர் அம்சத்தையும் அதில் உள்வாங்கிக்கொள்வது பயனுள்ளதாக அமையும் என்றும் முஸ்லிம் காங்கிரஸ் பாராளுமன்ற உறுப்பினர்களிடம் அமைச்சர் பஷில் ராஜபக்ஷ கூறியுள்ளார்.

மன்னார் சிலாபத்துறையில் தனியாருக்குச் சொந்தமான காணியை ஆக்கிரமித்து அமைக்கப்படவுள்ள கடற்படை முகாமை அகற்றிக்கொள்வது பற்றியும் இணக்கம் காணப்பட்டுள்ளதாக கூறப்படுகின்றது.பாதுகாப்புச் செயலாளர் கோதாபய ராஜபக்ஷவுடன் அதுபற்றி தாம்  கதைப்பதாகவும் அவருடன் முஸ்லிம் காங்கிரஸ் குழுவினரின் சந்திப்பொன்றிற்கு ஏற்பாடு செய்வதாகவும் அமைச்சர் பஷில் ராஜபக்ஷ தெரிவித்துள்ளார்.

இன்னும் பல சமூகம் சார்ந்த விடயங்கள் குறித்தும் கலந்துரையாடப்பட்டுள்ளது.

தேர்தல் சம்பந்தமாக மிகவும் நிதானமாகவும் சாதுரியமாகவும்  நடந்துகொள்ள வேண்டுமென தமது பாராளுமன்ற உறுப்பினர்களிடம் சுட்டிக்காட்டியுள்ள அமைச்சர் ஹக்கீம் முன்னாள் அமைச்சர் ரிசாத் பதியுதீன் போன்று அவசரப்பட்டு அள்ளுண்டு போக வேண்டிய அவசியம் இல்லை என்றும் கூறியுள்ளார்.

தமிழ்த் தேசியக் கூட்டமைப்புக் கூட இன்னும் அவசரப்பட்டு தனது முடிவை அறிவிக்காத சூழ்நிலையில் நாம் ஏன் அதற்காக அவசரப்பட வேண்டியுள்ளது. என்றும் முஸ்லிம் காங்கிரஸ் தலைவர் ஹக்கீம் தமது பாராளுமன்ற