எனக்கு நேரமில்லை - ஞானசாரர்

பொதுபல சேனா இயக்கத்தின் பொதுச் செயலாளர் கொலபொடத்தே ஞானசார தேரருக்கு வீசா வழங்க வேண்டாம் என முஸ்லிம் அமைப்புக்கள் அவுஸ்திரேலிய அரசாங்கத்திடம் கோரிக்கை விடுத்துள்ளதாக குற்றம் சுமத்தப்பட்டுள்ளது.

முஸ்லிம் கடும்போக்குவாத அமைப்புக்கள் அவுஸ்திரேலிய குடிவரவு அமைச்சர் ஸ்கொட் மொரிசனிடம், ஞானசார தேரரை நாட்டு;க்குள் அனுமதிக்க வேண்டாமென கடிதம் ஊடாக கோரிக்கை விடுக்கப்பட்டுள்ளது.

முஸ்லிம் கடும்போக்குவாத அமைப்புக்களின் சூழ்ச்சித் திட்டமாக இதனைக் கருதுவதாகத் தெரிவிக்கப்பட்டுள்ளது.

ஞானசார தேரருக்கு எதிராக இலங்கையில் குற்றச்சாட்டுக்கள் காணப்படுவதாக கடிதத்தில் குறிப்பிடப்பட்டுள்ளது.

அளுத்கம கொலைகளுடன் அவருக்கு தொடர்பிருப்பதாக கடிதத்தில் குறிப்பிடப்பட்டுள்ளது.

பொதுபல சேனா ஓர் பயங்கரவாத அமைப்பு எனவும், முஸ்லிம் வர்த்தக நிலையங்களை தாக்கி அழித்துள்ளதாகவும் குற்றம் சுமத்தப்பட்டுள்ளது.

இதேவேளை, இந்தக் குற்றச்சாட்டுக்கள் அடிப்படையற்றவை என பொதுபல சேனா இயக்கம் தெரிவித்துள்ளது.

இதனிடையே, பொதுபல சேனா இயக்கத்திற்கு பல நாடுகளிலிருந்து அழைப்புக்கள் கிடைக்கப்பெற்று வருவதாக ஞானசார தேரர் தெரிவித்துள்ளார்.

பல்வேறு மத வழிபாட்டு நிகழ்வுகளுக்காக இவ்வாறு அழைப்பு விடுக்கப்பட்டு வருவதாகத் தெரிவித்துள்ளார்.

அதிக வேலைப்பளு காரணமாக அனைத்த அழைப்புக்களையும் ஏற்றுக்கொள்வதில்லை என அவர் குறிப்பிட்டுள்ளார். gtn