'முஸ்லிம் அமைச்சர்களை ராஜினாமா செய்யுங்கள் என்று சொல்லி, நேரத்தை வீணடிப்பதில் பயனில்லை'

மனோ கனேசனின் பேஸ்புக்கிலிருந்து..!

இந்த நொடியில் என் மனதில் (19/06/14) 

ஞானசார தேரரை கைது செய்யென அனைத்து முஸ்லிம் பங்காளி கட்சிகளும் ஒருசேர கோருவார்களா ?

பதவிகளில் இருந்துகொண்டே, அந்த பதவி தரும் அதிகாரத்தை வைத்துக்கொண்டு, தமது மக்களின் பிரச்சினைகளை உலகத்துக்கும், அரசாங்கத்துக்கும் காத்திரமாக எடுத்து சொல்ல முடியும் என முஸ்லிம் அமைச்சர்கள் நினைக்கலாம். இப்படியான நிலைப்பாடுகளை எடுப்பதற்கு அவர்களுக்கு முழுமையான உரிமை இருகின்றது.

அதனால்தான், முஸ்லிம் அமைச்சர்கள் அரசுக்கு அதிர்ச்சி வைத்தியம் செய்ய வேண்டும் என்றும், ஆனால் அந்த வைத்தியம் என்ன என்பது பற்றி அவர்களே முடிவு செய்ய வேண்டும் என்றும் கடந்த வாரம் நான் சொன்னேன்.

ஆகவே ரவுப் ஹக்கீம் முதற்கொண்டு முஸ்லிம் அமைச்சர்களை ராஜினாமா செய்யுங்கள் என்று சொல்லி, அதுபற்றி விவாதித்து நேரத்தை வீணடிப்பதில் பயனில்லை.

உண்மையில் இதுவல்ல, பிரச்சனை. உண்மையான பிரச்சனை பொதுபல சேனையும், அதன் பொது செயலர் கலபொட ஞானசார தேரும், அவர் அனுபவிக்கும் Impunity என்ற “குற்றம் செய்வதற்கான வரையற்ற சுதந்திரமும்” ஆகும். ஞானசார தேரரை கைது செய்ய வேண்டும் என அரசாங்கத்தின் அனைத்து முஸ்லிம் பங்காளி கட்சிகளும் ஒருசேர கோருவார்களா?