மேயர் பதவியிலிருந்து விலகக்கூடாது என மக்கள் தெரிவிக்கின்றனர் - சிராஸ் மீராசாஹிப்

(ஏ.எல்.ஜுனைதீன்)

மேயர் பதவியிலிருந்து எந்தக் காரணம் கொண்டும் விலகக்கூடாது என்று என்னை தெரிவு செய்த மக்கள் அழுத்தமாகத் தெரிவித்திருப்பதாக கல்முனை மேயர் சிராஸ் மீராசாஹிப் தெரிவிக்கின்றார்.

சிராஸ் மீராசாஹிப் கல்முனை மேயர் பதவி தொடர்பாக மேலும் கூறுகையில் தெரிவித்த்தாவது,

 நான் ஏற்கனவே தலைவர் ரவூப் ஹக்கீம் அவர்களிடம் மேயர் பதவி சிராஸ் மீராசாஹிப் என்கின்ற தனி நபருக்கு தந்த பதவி அல்ல. இப் பதவி மக்கள் வழங்கிய ஆணைக்காக வழங்கப்பட்ட ஒரு பதவி. ஆகவே நான் மக்கள் முன் சென்று அவர்களின் கருத்துக்களைக் கேட்டறிந்த பின்னர்தான் உங்களிடம் இது சம்மநமாக கலந்தாலோசிப்பேன் என்று கூறிவிட்டுத்தான்  மக்களை சந்திக்கச் சென்றிருந்தேன்.

மக்களைச் சந்தித்து கதைத்தன் பின்பு  அவர்கள் ஆக்ரோசமாக நாங்கள் இரண்டு வருடங்கள் பதவி வகிப்பதற்காக உங்களுக்கு வாக்களிக்கவில்லை. நான்கு வருடங்கள் பதவி வகித்து சேவை செய்ய வேண்டும் என்பதற்காகவே வாக்களித்திருந்தோம் கட்சி எந்தக் காரணத்தைக் கொண்டும் உங்களை இராஜினாமாச் செய்யும்படி கோரக்கூடாது எனக் கூறியதுடன் மேயர் பதவியிலிருந்து எந்த ஒரு காரணத்திற்காகவும் விலகக் கூடாது என என்னைத் தெரிவு செய்த மக்கள் என்னிடம் அழுத்தமாகக் கூறியிருக்கிறார்கள். என்றார்.