9 வயது பாடசாலை மாணவிகளை துஷ்பிரயோகம் செய்த அதிபர் கைது

(Nf) இறக்குவானை, கெந்தேபொல பகுதியிலுள்ள பாடசாலையொன்றின் அதிபர் துஷ்பிரயோக சம்பவம் தொடர்பில் கைதுசெய்யப்பட்டுள்ளார்.

ஒன்பது வயதான இரு மாணவிகளை துஷ்பிரயோகத்திற்கு உட்படுத்திய சம்பவம் தொடர்பில் சந்தேகநபராக அதிபர் இன்று கைதுசெய்யப்பட்டுள்ளதாக பொலிஸ் ஊடகப் பேச்சாளரும், சிரேஷ்ட பொலிஸ் அத்தியட்சருமான அஜித் ரோஹன தெரிவித்துள்ளார்.

பாடசாலையில் வேறு மாணவிகள் எவரேனும் இந்த அதிபரால் துஷ்பிரயோகத்துக்கு உட்படுத்தப்பட்டுள்ளார்களா? என்பது தொடர்பில் கண்டறிவதற்கான விசாரணைகள் ஆரம்பிக்கப்பட்டுள்ளதாக அவர் கூறியுள்ளார்.

தேசிய சிறுவர் பாதுகாப்பு அதிகார சபையின் அதிகாரிகள் வழங்கிய தகவல்களுக்கு அமைய, சந்தேகநபரான 54 வயதான அதிபர் கைது செய்யப்பட்டுள்ளார்.

சந்தேகநபரான அதிபரை இறக்குவானை நீதவான் நீதிமன்றத்தில் நாளை ஆஜர்படுத்துவதற்கான நடவடிக்கைகள் முன்னெடுக்கப்பட்டுள்ளன.