கிரண்ட்பாஸ் முஸ்லிம்கள் மீது சிங்கள இனவாத காடையர்கள் மீண்டும் தாக்குதல்

கிரண்ட்பாஸ் பகுதியில் உள்ள முஸ்லிம்கள் மீது சிங்கள கடையர்கள் கூட்டம் மீண்டும் தாக்குதலை மேற்கொண்டிருப்பதாக ஜப்னா முஸ்லிம் இணையத்திற்கு முஸ்லிம் கவுன்சில் தலைவர் என்.எம்.அமீன் சற்றுமுன்னர் தெரிவித்தார்.

இதனை முஜீபுர் ரஹ்மானும் ஜப்னா முஸ்லிம் இணையத்திடம் உறுதிப்படுத்தினார். வன்முறையாளர்களை தடுக்க லாயக்கற்றவர்களாக பொலிஸார் இருக்கின்றனர். பொலிஸாரிடம் ஒரு பொல்லுக் கூட இல்லை. இந்நிலையில் முஸ்லிம்களுக்கு எதிரான வன்முறையை எப்படி தடுக்க முடியுமெனவும் அவர் கேள்வி எழுப்பினார்.

அதேநேரம் முஸ்லிம்களுக்கு பொலிஸாரில் நம்பிக்கை இல்லை. எனவே அங்கு உடனடியாக இராணுவத்தினரை அனுப்புங்கள் என ஆஸாத் சாலி இராணுவ உயர்பீடத்திடம் கோரிக்கை விடுத்துள்ளதாக அறியவருகிறது.

அதேவேளை கிரண்ட்பாஸ் பள்ளிவாசலுக்கான சற்றுநேரத்திற்கு முன் மின்சாரம் துண்டிக்கப்பட்டுள்ளது.