விகாரையில் மணி அடித்து, பள்ளிவாசலை தாக்கினர் - சில முஸ்லிம்களுக்கு காயம்

கிரண்ட்பாஸ் பள்ளிவாசல் மீது சிங்களக் காடைர் கூட்டம் மேற்கொண்ட தாக்குதலில் பள்ளிவாசலில் தொழுகையில் ஈடுபட்டிருந்த முஸ்லிம் சகோதரர்கள் சிலரும், அருகிலுள்ள முஸ்லிம் வீடுகளிலுள்ள முஸ்லிம் சகோதரர்கள் சிலரும் காயமடைந்துள்ளதாக மேல் மாகாண சபை உறுப்பினர் முஜீபுர் ரஹ்மான் ஜப்னா முஸ்லிம் இணையத்திடம் கூறினார். 

அதேவேளை பள்ளிவாசலுக்கு அருகிலுள்ள பௌத்த விகாரையில் மணி ஒலிக்கப்பட்டு, அங்கிருந்து பொல்லுகளுடனும், தடிகளுடனும் வந்தவர்களே பள்ளிவாசலலை தாக்கியதாக ஹுனைஸ் எம்.பி. ஜப்னா முஸ்லிம் இணையத்திடம் தெரிவித்தார். மேலும் பள்ளிவாசல் உள்ள பகுதியை நோக்கி முஸ்லிம் இளைஞர்கள் ஒரு பகுதியினர் வரைவதாகவும், எனினும் அவர்களை விசேட அதிரப் படையினர் தடுத்து நிறுத்தியுள்ளதாகவும் அவர் கூறியதுடன், வன்முறைக்கு வன்முறை தீர்வல்ல எனவும், இதுகுறித்து பாதுகாப்பு தரப்பினருடன் கலந்துரையாடியுள்ளதாகவும், முஸ்லிம்கள் அமைதி காப்பது அவசியமெனவும் சுட்டிக்காட்டினார்.

மேலும் கண்டியில் தேர்தல் பிரச்சார கூட்டத்தில ஈடுபட்டுள்ள அமைச்சர் ரவூப் ஹக்கீம் கிரண்ட்பாஸ் பள்ளிவாசல் தாக்குதல் சம்பவம் குறித்து கேள்விப்பட்டவுடன் பொலிஸ்மா அதிபரை இளங்ககோனை தொடர்புகொண்டு விசாரித்துள்ளார். இதன்போது நாளை ஞாயிற்றுக்கிழமை பிரதேசத்தில் சமாதான மாநாடொன்றை கூட்டியுள்ளதாக பொலிஸ்மா அதிபர் ரவூப் ஹக்கீமிடம் கூறியதாக ரவூப் ஹக்கீமின் சகோதரர் டாக்டர் ஹபீஸ் ஜப்னா முஸ்லிம் இணையத்திடம் தெரிவித்தார்.