மலேசியாவில் நாய்களின் படத்துடன் ரம்ஸான் வாழ்த்து தெரிவித்த பெண் கைது

மலேசியாவில் நாய்களை பழக்கும் பயிற்சி நிலையம் நடத்தி வருபவர் மஸ்னா யூசப்(38). இஸ்லாமிய மதத்தை சேர்ந்த இந்த பெண் சமீபத்தில் ரம்ஜான் வாழ்த்து தெரிவித்து ஒரு வீடியோவை இணையதளத்தில் வெளியிட்டார்.

நாய்களை குளிப்பாட்டுவது போன்றும் அவற்றுக்கு உணவு போடுவதும் போன்ற காட்சிகளின் பின்னணியில் தொழுகைக்காகன பாங்கோசை ஒலிக்க ரம்ஜான் வாழ்த்துகள் என்ற வாழ்த்து அட்டையுடன் அந்த வீடியோ முடிவடைகிறது.

மதத்தின் அடிப்படை நம்பிக்கைக்கு ஊறு விளைவித்ததாக அந்த பெண்ணை போலீசார் நேற்று கைது செய்தனர்.

  

இஸ்லாமிய மத வழக்கங்களின்படி, நாய்கள் அசுத்தமான பிராணிகளாக கருதப்படுகிறது. அவற்றை தொடுவது அசுத்தம் என கூறப்படுகிறது. இந்நிலையில், கைது செய்யப்பட்ட மஸ்னா யூசப்புக்கு 5 ஆண்டுகள் வரை சிறை தண்டனை விதிக்கப்படலாம் என சட்ட நிபுணர்கள் தெரிவிக்கின்றனர்.