பசீர் சேகுதாவூத் இன்னும் தேர்தல் பிரச்சாரங்களில் பங்கேற்கவில்லை - ஹசன் அலி

எதிர்வரும்21 ஆம் திகதி நடைபெறவுள்ள 3 மாகாண சபைகளுக்குமான தேர்தல் பிரச்சாரங்களில் எவற்றிலும் அமைச்சரும், முஸ்லிம் காங்கிரஸ் தவிசாளருமான பசீர் சேகுதாவூத் பங்கேற்கவில்லையென முஸ்லிம் காங்கிரஸ் செய்லாளர் நாயகம் ஹசன் அலி கூறினார்.

ஜப்னா முஸ்லிம் இணையத்திற்கு அவர் மேலும் தகவல் தருகையில்,

புத்தளம் மாவட்ட முஸ்லிம் காங்கிரஸின் தேர்தல் பிரச்சாரத்திற்கு பொறுப்பாக பசீர் சேகுதாவூத்தும், சபீக் ரஜாப்தீனும் நியமிக்கப்பட்டுள்ளனர். எனினும் முஸ்லிம் காங்கிரஸிற்கு ஆதரவான தேர்தல் பிரச்சாரங்களில்  பசீர் சேகுதாவூத் இதுவரை கலந்து கொள்ளவில்லை.

மறுபுறம் முஸ்லிம் காங்கிரஸும், அதன் வேட்பாளர்களும் தமது தேர்தல் பிரச்சாரங்களை ஆரம்பித்துள்ளனர். எதிர்வரும் சில நாட்களில் முஸ்லிம் காங்கிரஸின் தேர்தல் பிரச்சாரம் முழு அளவில் சூடுபிடிக்கும் எனவும் அவர் மேலும் தெரிவித்தார்.