சட்டவிரோதமாக மாடு அறுத்தவர் கைது

(அப்துல்சலாம் யாசீம்)

திருகோணமலை மொறவௌ பொலிஸ் பிரிவிற்குட்பட்ட நாமல்வத்த பகுதியில் சட்ட விரோதமாக மாடு அறுத்த நபரொருவரை கைது செய்துள்ளதாக பொலிஸார் தெரிவித்தனர்.

இவ்வாறு  கைது செய்யப்பட்டவரிடம் மாடு அறுப்பதற்கான அனுமதிப்பத்திரம் மற்றும்  மிருக வைத்தியர் ,பொது சுகாதார பரிசோதகரின் பரிசோதனை அறிக்கைகள்  இல்லாமல் பாழடைந்த வீட்டில் இறைச்சி விற்கப்படுவதாக கூறி கிராம உத்தியோகதரான திஸாநாயக்க என்பவருக்கு தொலைபேசி மூலம் பொதுமக்கள்  தகவல் வழங்கியதையடுத்து விசாரணைகளை மேற்கொண்டு சந்தேக நபரை மொறவௌ பொலிஸ் நிலையத்தில் ஒப்படைத்துள்ளதாக கிராம உத்தியோகத்தர் தெரிவித்தார்.

இது விடயமாக பொலிஸ் நிலைய அதிகாரியிடம்; தொலைபேசி மூலம் வினவியதையடுத்து ஒருவரை கிராம உத்தியோகத்தர் ஏழு குற்றச்சாட்டுக்களை வைத்து தன்னிடம் அறிக்கையும் ஒப்படைத்துள்ளதாகவும் இதுகுறித்து விசாரணைகளை மேற்கொண்டு வருவதாகவும் தெரிவித்தார்.