எம்.பி. பதவியிலிருந்து தயாசிறி ராஜினாமா - ஆளுங்கட்சியில் வடமேல் மாகாணத்தில் போட்டி

ஐக்கிய தேசிய கட்சியின் குருநாகல் மாவட்ட நாடாளுமன்ற உறுப்பினர் பதவியிலிருந்து தயாசிறி ஜயசேகர சற்று முன்னர் இராஜினாமா செய்துள்ளார்.

நாடாளுமன்றத்தில் இன்று புதன்கிழமை நண்பகல் ஆற்றிய விசேட உரையினை அடுத்தே நாடாளுமன்ற உறுப்பினர்  பதவியை இராஜினாமா செய்துள்ளார்.

அத்துடன் ஸ்ரீலங்கா சுதந்திரக் கூட்டமைப்பில் இணைந்து வட மேல் மாகாண சபை தேர்தலில் போட்டியிடவுள்ளதாகவும் இதன்போது தயாசிறி ஜயசேகர தெரிவித்துள்ளார்.

இதேவேளை கட்சிக்குள் இருப்பவர்கள் தன் மீது கல்லெறிவதாகவும் இதனாலேயே இவ்வாறானதொரு தீர்மானத்தை எடுக்க வேண்டிய நிர்ப்பந்தத்திற்கு உள்ளானதாகவும் தனது விசேட கூற்றின்போது தெரிவித்தார். TM