எரியும் மதவாத அராஜகத்தை தேசியசூறா சபை அணைக்காது - அஹ்லுஸ் சுன்னா வல் ஜமாஅத்

(அஹ்லுஸ் சுன்னா வல் ஜமாஅத் உலமா சபைத் தலைவர் ஜமாலி)

இன்று இலங்கையில் தலைவரித்தாடும் மதவாத அராஜகமானது காட்டு மிராண்டித்தனமானதாகும். இதை நாகரீகம் படைத்த மனித சமூகம் அங்கீகரிக்கப் போவதில்லை. இலங்கையின் பெரும்பான்மையான சிங்கள மக்களோ அல்லது பெரும்பாலான பௌத்த பிக்குகளோ இதை அங்கீகரிக்கவில்லை. அவர்கள் கூட பிற்போக்குவாத அற்பசொற்ப பிக்குமார்களின் இந்த அராஜகத்தை கண்டு வெட்கப்படுகின்றனர். 

ஆயினும் பதவியிலிருக்கும் அரசு இது தொடர்பாக எந்த நடவடிக்கைகளிலும் இறங்கவில்லை. 30 வருட காலப் பாசிசப் புலிகளின் யுத்தத்திற்கு முடிவு கண்டவர்கள் இதை நிறுத்தத் தவறியது வேதனைக்குரியதாகும். குறிப்பாக முஸ்லிம் சமூகம் வேதனைப்படுகின்றனர். இது அரசின் மீது பலத்த சந்தேகத்தையும் அதிரிப்தியையும் ஏற்படுத்தியிருக்கின்றது. 

இதுதொடர்பாக முஸ்லிம்கள் விழிப்பாகவும், விவேகமாகவும் செயற்படுவது காலத்தின் கட்டாயமாகும். அதே நேரம் முஸ்லிம் சமயத் தலைவர்கள் அவர்கள் தலைமை தாங்கும் ஜம்மியதுல் உலமா சபை இன்றுவரை எவ்வாறு முஸ்லிம்களை வழிநடத்தி வந்திருக்கிறார்கள் என்பதை ஆராய்வது அவசியமாகும். அவர்கள் இலங்கையின் முழு முஸ்லிம் சமூகத்தின் அங்கீகாரத்தைப் பெற்றிருக்கிறார்களா? இல்லையா என்பதும் கேள்விக்குறியாகும். 

தற்போது இலங்கையின் உலமா சபை உட்பட இன்னும் பல முஸ்லிம் இயக்கங்கள் இணைந்து தேசிய சூறா சபை ஒன்றை நிறுவும் அவசியத்தைப் பேசி வருகின்றனர். (இதை நான் எழுதும் வரை அவர்கள் அந்த சூறா சபையை நிறுவி விட்டார்களோ தெரியாது.) அவ்வாறானதொரு சூறா சபையானது இன்று முஸ்லிம்களை பிளவுபடுத்தி வரும் இயக்கங்களுக்கு மேலதிகமாக இன்னுமொரு இயக்கத்தை அதிகரித்து இருக்குமே தவிர, அச்சபையால் சாதிக்கப்படுவது ஒன்றுமே இல்லை என்பதுதான் ஆணித்தரமான உண்மையாகும். இது தலைவலிக்கு தலையணைமாற்றும் கதை போன்றதாகும். இவ்வாறு அம்பாரை மாவட்ட அஹ்லுஸ் சுன்னத் வல் ஜமாஅத் உலமா சபைத்தலைவர் பந்நூல் ஆசிரியர் மௌலவி அல்ஹாஜ். றபியுதீன் ஜமாலி அவர்கள் வெளியிட்ட அறிக்கையில் தெரிவித்துள்ளார்கள். 

மேலும் அவர் கூறியவதாவது, இலங்கை மட்டுமல்ல. முழு உலகிலும் முஸ்லிம்களின் பலத்தை எப்படி பலயீனப்படுத்தலாம் என்பதை வருடக்கணக்காக சிந்தித்து ஒரு முடிவை மேற்குலகம் எட்டியிருக்கின்றது. அவர்கள் கண்ட முடிவுதான் 

1. முஸ்லிம்களின் ஆன்மீக பலத்தை அழிப்பது

2. முஸ்லிம்களின் ஒற்றுமையை சீர்குலைப்பது

3. அவர்களுக்குள் இயக்கங்களை உருவாக்குவது

4. அடுத்த சமூகத்திற்குள் இவர்களைக் காட்டிக் கொடுத்து மோத விடுவது என்பனவாகும்.

இதுபோன்ற அனேக திட்டங்களை அவரகள் வைத்திருக்கின்றனர். 

இன்று எமது நாட்டில் முஸ்லிம் சமூகத்திற்குள் ஆன்மீகம் தொலைக்கப்பட்டுவிட்டது. ஏனென்றால் எமது ஆன்மீக வழிகாட்டிகள் எமது முன்னோர்களான ஆன்மீக அரசர்களான இமாம்களாவர் இன்று அவர்கள் தூக்கி வீசப்பட்டு விட்டனர். குர்ஆனையும், ஹதீதுகளையும் இதுகால வரை பாதுகாத்துத் தந்த அவர்கள் மீது சந்தேகங்களும், தாண்தோன்றித் தனமான குற்றச்சாட்டுகளும் சுமத்தப்பட்டுக் கொண்டிருக்கின்றன. இவ்வாறு நிலைமை நீடித்தால் எமது பின் சந்ததியினர்களுக்கு வரலாறுகள் இல்லாது போய்விடும். வரலாறு அழிக்கப்பட்ட சமூகத்தையே மேற்கு நாட்டவர்கள் எதிர்பார்க்கின்றனர். 

இன்று முஸ்லிம்களுக்குள் எத்தனையோ இயக்கங்கள் இருக்கின்றன. முஸ்லிம்கள் குழுக்குழுவாகப் பிரிக்கப்பட்டு விட்டனர். இவர்களிடம் ஆன்மீகம் சாகடிக்கப்பட்டு வெறும் பகுத்தறிவு வாதம் மாத்திரம் தான் மிஞ்சி இருக்கின்றது. இவ்வாறான பகுத்தறிவுவாத இயக்கங்களின் முன்னணி இயக்கம்தான் ஷஷமுஃதஸிலா|| என்ற வழிகெட்ட இயக்கமாகும். இப்பிரிவுகள் எமக்குத் தேவையில்லை. இன்று இயக்கங்கள் மலிந்து அவர்கள் பிரத்தியேகமாக

1. பள்ளிவாசல்கள்

2. மர்கஸ்கள்

3. வழிகாட்டல் நிலையங்கள்

4. ஆராய்ச்சி மையங்கள்

5. பயிற்சி மன்றங்கள்

6. ஷபாப் அமைப்புக்கள்

7. தௌஹீத் இயக்கங்கள்

8. தப்லீக் இயக்கங்கள்

9. ஜமாஅத் இஸ்லாமி இயக்கங்கள்

10. ஜமா அத் முஸ்லிம் இயக்கங்கள்

11. ஜமாஅத் அன்சார் முஹம்மதியா இயக்கங்கள் முதலியவைகளை உருவாக்கி இருக்கின்றனர்.

இவைகள் மலிந்து பட்டியல் நீண்டு செல்கின்றது. அத்துடன் நில்லாது அவர்களுக்கென்று ஆண்கள், பெண்கள் என்று வேறாக கொள்கை பரப்பு மத்ரஸாக்கள் வளாகங்கள் எல்லாம் கட்டப்பட்டு விட்டன. இன்னும் கட்டப்பட்டு வருகின்றன. இப்படியான பிரிவுகளைத் தான் மேற்கு நாட்டவர்கள் எதிர்பார்க்கிறார்கள். அந்த மேற்கு நாட்டவர்கள்தான் இவர்களுக்கு பணம் வழங்கிக் கொண்டு வருகின்றனர். 

அண்மையில் மியன்மாரில் பௌத்தர்களைத் தூண்டி அங்கு வாழ் முஸ்லிம்கள் மத்தியில் கலவரத்தை உருவாக்கி முஸ்லிம்களை அழிக்க உதவியர்களும் இந்த மேற்கு நாட்டவர்கள்தான். இதே மேற்கு நாட்டவர்கள் இலங்கையில் அண்மைக்காலமாக முஸ்லிம் சமூகத்துடன் சமய ரீதியான கருத்துக்களை முன்வைத்து ஒருபோராட்டத்தை முடிக்கி விட்டுள்ளனர். அவர்களே இவர்களுக்கும் பணம் வழங்கி வருகின்றனர். முஸ்லிம்களுக்குள் முஸ்லிம்கள் பிரிந்து செல்வதையும் அதேநேரம் மற்றுமொரு சமூகத்துடன் மோதலை ஏற்படுத்தவும் இந்த மேற்கு நாட்டவர்கள்தான் தேவையான ஏற்பாடுகளையும் செய்திருக்கின்றனர். 

எமக்கு அறபு உலகம் இமாம்களும் அல்ல. வேதமும் அல்ல. எமது வழிகாட்டிகள் இறை நேசர்களான இமாம்களும், மத்ஹபுகளும்தான். இவர்கள்தான் குர்ஆனையும், ஹதீதுகளையும் கற்றுத் தந்தவர்கள். இலங்கையில் இருக்கும் அனைத்து இயக்கங்களும் அழிக்கப்படவேண்டும். அவர்களின் கொள்கை பரப்பும் மத்ரஸாக்கள் அகற்றப்பட வேண்டும். இதைவிட வேறொன்றுமே எமக்கு விமோசனம் தரப்போவதில்லை. அதேபோல இன்னுமொரு சூறா சபைத் தேவையில்லை.

1980ம் ஆண்டுக்கு முன் இலங்கையில் முஸ்லிம்கள் எவ்வாறு ஒற்றுமைப் பட்டிருந்தார்களோ ஒரே அமைப்பில் இருந்தார்களோ அந்த அமைப்பு மீண்டும் கட்டியெழுப்பப்படவேண்டும். 

ஆன்மீகம் என்பது பகுத்தறிவு வாதத்திற்கு அப்பாற்பட்டதாகும். ஏனென்றால் பகுத்தறிவின் மூலம் விஞ்ஞானிகளாகத் திகழும் அறிஞர்கள் கூட மனநிம்மதி தேடி ஆன்மீகத்தின் பக்கமே வந்து கொண்டிருக்கின்றனர். பகுத்தறிவுதான் மார்க்கம் என்றால் எமது வரலாற்றின் ஆரம்ப கால யுத்தங்களில் முஸ்லிம்கள் வென்றிருக்க முடியாது. இவ்வாறு பெருவிருட்சமாக முழு உலகிலும் முஸ்லிம்கள் விரிவடைந்திருக்க முடியாது. இதைக் கருத்திற்கொண்டு அனைத்து இயக்கங்களையும் ஒழித்து ஒற்றுமைப்பட்ட ஒரு சமூகமாக வாழ்வதற்கு ஜம்மியதுல் உலமாக சபை உட்பட அனைவரும் முயற்சி செய்யவேண்டும். இவ்வாறு மௌலவி அல்ஹாஜ் றபியுதீன் ஜமாலி அவர்கள் வெளியிட்ட அறிக்கையில் குறிப்பிட்டார்.