உண்மைக்கு புறம்பான விடயம்

(அகமட் எஸ். முகைடீன்)

“உதயன் பத்திரிகை இலங்கை இரானுவத்தால் தாக்கப்பட்டது” என கல்முனை முதல்வர் தெரிவித்தார் என வெளிவந்த செய்தியினை கல்முனை மாநகர முதல்வர் கலாநிதி சிராஸ் மீராசாஹிப் முற்றாக மறுத்துள்ளார். 

முதல்வர் மேலும் தெரிவிக்கையில் உதயன் பத்திரிகை தாக்கப்பட்ட விடயமானது கண்டிக்கத் தக்க செயலாகும். எந்த ஒரு ஊடக நிறுவனம் தாக்கப்பட்டாலும் அது கண்டனத்திற்குரிய விடயமாகும். நாட்டின் ஊடகச் சுதந்திரம் பாதுகாக்கப்பட வேண்டும். அந்தவகையில் இச்செயலைச் செய்தது யாராக இருந்தாலும் கண்டுபிடிக்கப்பட்டு சட்டத்தின் முன் நிறுத்தப்பட்டு தண்டிக்கப்பட வேண்டும். உதயன் பத்திரிகையை தாக்கியவர்களை கைது செய்வதற்கான நடவடிக்கையினை  ஜனாதிபதி மஹிந்த ராஜபக்க்ஷ அவர்கள் மேற் கொள்ள வேண்டும் என கடந்த கல்முனை மாநகர சபை அமர்வின்போது உதயன் பத்திரிகையினை காண்பித்து உரையற்றியதை திரிவு படுத்தி “உதயன் பத்திரிகையினை தாக்கியது இலங்கை இரானுவம்” என குறிப்பிட்டிருப்பது முற்றிலும் உண்மைக்கு புறம்பான விடயமாகும் என முதல்வர் தெரிவித்தார்.