'ரோம் எரியும் வேளையில்' சிரித்து மகிழும் ஹக்கீமும் மகிந்தவும் (படம்)

கொழும்பு ஹவ்லொக் மைதானத்தில் நேற்றுமாலை நடைபெற்ற சிறிலங்கா - சீன தாய்பே அணிகளுக்கு இடையிலான ரக்பி ஆட்டத்தில் ஜனாதிபதி மகிந்த ராஜபக்சவும், சிறிலங்கா முஸ்லிம் காங்கிரஸ் தலைவர் ரவூப் ஹக்கீமும் கலகலப்பாக சிரித்துப் பேசும் படம் இன்று திங்கட்கிழமை, முதலாம் திகதி கொழும்பில் வெளியிட்டுள்ளது. 

“ரோம் எரியும் வேளையில்” என்று இந்த ஒளிப்படத்துக்கு தலைப்பிடப்பட்டுள்ளது. 

இலங்கையில்   முஸ்லிம்களுக்கு எதிரான பெளத்த அடிப்படைவாதக் குழுக்களின் தாக்குதல்கள் அதிகரித்துள்ள நிலையில், அதனைத் தடுப்பதற்கு அரசாங்கம் உரிய நடவடிக்கை எடுக்கவில்லை என்று ஹக்கீம் விசனம் வெளியிட்டிருந்தார். 

பெபிலியானவில் முஸ்லிம் வணிக வளாகம் தாக்கப்பட்ட பின்னர், அவசரமாக அமைச்சரவைக் கூட்டத்தைக் கூட்டும் படி ஜனாதிபதி ஜனாதிபதி மகிந்த ராஜபக்சவிடம் ரவூப் ஹக்கீம் கேட்டிருந்தார். ஆனால் அதற்கு ஜனாதிபதி செவிசாய்க்கவில்லை. 

இந்தநிலையில், நேற்று முன்தினம் இரவு தொடக்கம் நேற்றுகாலை வரை சிறிலங்கா முஸ்லிம் காங்கிரசின் உயர்மட்டக்குழுவின் கூட்டத்தில் இந்த விவகாரம் குறித்து ஆராயப்பட்டதாக செய்திகள் வெளியாகின. 

ஹக்கீமும் பங்கேற்ற இந்தக் கூட்டத்தில் முஸ்லிம்களுக்கு எதிரான தாக்குதல்களை அரசாங்கம் தடுக்கத் தவறினால், அடுத்த கட்ட நடவடிக்கை குறித்து விரைவில் முடிவெடுப்பது என்றும் தீர்மானிக்கப்பட்டதாக செய்திகள் வெளியாகின. 

இந்தநிலையிலேயே நேற்றுமாலை ஜனாதிபதி மகிந்த ராஜபக்சவுடன இணைந்து அவர் ரக்பி ஆட்டத்தை ரசித்து மகிழ்ந்துள்ளார். 

நேற்று நடைபெற்ற சீன தைபே அணியுடனான ரக்பி ஆட்டத்தில் மகிந்த ராஜபக்சவின் மகனும்  மகனும் கடற்படை அதிகாரியுமான யோசித ராஜபக்ச சிறிலங்கா அணிக்கு தலைமை தாங்கியிருந்தார். 

இதில் சிறிலங்கா அணி வெற்றி பெற்றது குறிப்பிடத்தக்கது.