சிங்கள, முஸ்லிம் ஒற்றுமை நீண்ட வரலாற்றை கொண்டது - தொடம்வல தம்மரத்ன தேரர்

(மொஹொமட் ஆஸிக்)

இனங்களுக்கு இடையில் ஒற்றுமையை ஏற்படுத்தும் நோக்கத்துடன் கண்டி பொலீஸாரின் ஏற்பாட்டில் இன்று 2013 04 07 மாலை கண்டி பெரிய பள்ளிவாயளில் பௌத்த தேரர்கள் மற்றும் மௌலவிமார்கள் உற்பட பொதுமக்கள் கலந்து கொண்ட நிகழ்வு ஒன்று இடம் பெற்றது.

இங்கு உரையாற்றிய கண்டி ஹந்தான சர்வதேச பிக்கு பயிற்சி நிலையத்தின் அதிபர் தொடம்வல தம்மரத்ன தேரர்,  

நாட்டில் சிங்கள முஸ்லிம் மக்கள் ஆயிரம் வருடத்திற்றும் மேலாக ஒற்றுமையுடன் வாழ்ந்துள்ளனர். ஆனால் எம் மத்தியில் இது வரை எவ்வித மோதல்களும் எற்பட்டதில்லை.  கண்டி நகரை எடுததுக் கொண்டால் கண்டியின் மத்திய நிலையங்களில் கண்டி மீரா மக்கம் பள்ளிவாயலுக்கும் இப் பெரிய பள்ளிவாயலுக்கும் இடங்களை அன்றைய பௌத்த தேரர்கள் வழங்கி உள்ளனர். இதுவே எங்களது ஒற்றுமையை குறிக்கின்றது.

இவ்வளவு காலம் ஒற்றுமையாக வாழ்ந்த எம் மத்தியில் தற்போது ஒரு சிலர் எம் மத்தியில் மோதலை ஏற்படுத்த முயற்சிக்கினறனர். இதனை தவிர்க்க நாம் நடவடிக்கை எடுக்க வெண்டும் என்றார்.

நிகழ்வில் பொலிஸ் அத்தியட்சகர் கருனாரத்ன கண்டி பொலிஸ் நிலைய பொருப்பதிகாரி பலிஹவடன ஆகியோரும் கலந்து கொண்டனர்.