ஹலால் சான்றிதலும், ஹலாலும்..!

(ஜே.எம்.ஹபீஸ் - மூத்த ஊடகவியலாளர்)

இன்று இலங்கை முஸ்லிம்களுக்கு மத்தியில் பரவலாகப் பேசப் படும் விடயம் ஹலால் பற்றியதாகும். இங்கே நாம் சிந்திக்க வேண்டியது ஹலாலா? அல்லது ஹலால் சான்றிதலா? என்பதாகும். 

இன்று எனது நண்பர் ஒருவர் தொலைபேசியினுடாக என்னிடம் கேட்டார் 'உலமா சபையை பேரினவாத அமைப்பு விலைகொடுத்து வாங்கி விட்டதா?' என்று அதிலும் நியாயம் உண்டு. அதனடிப்படையில் அனேகர் என்னிடம் கூறிய விடயங்களை கீழே தரவிரும்பு கிறேன்.

இங்கு எனது நண்பர் கேட்டவிடயம் 'ஹலால்' பற்றியதாயின் அவரது ஆதங்கம் மிகவும் பொருந்தும்.  ஏனெனில் ஒரு முஹ்மீனுடைய வாழ்கைதான் ஹலால். எனவே ஹலால் மீது எவரும் கை வைக்க முடியாது. நாம் ஹலாலைப் பேண வேண்டும். ஹலாலாக உழைக்க வேண்டும். ஹலாலையே உண்ண வேண்டும். எமது வாழ்கை முறை, கொடுக்கள் வாங்கள, பணப் பறிமாற்றம், எமது உடை, பிரயானம், எமது சொத்து, குடும்ப வாழ்வு, பிள்ளை குட்டிகளை வளர்ப்பது உற்பட அனைத்தும் ஹலாலாகவே இருக்கவேண்டும். இதை எவராவது விட்டுக் கொடுப்பார்களாயின் அவர் மீத நாம் சினம் கொள்வது ஒருவகையில் நியாயமானதே. அதில் இரண்டு கருத்துக் கிடையாது.

இதில் வேறு ஏதும் கருத்து இருப்பின் அது எமது ஈமானின் கோளாரராகிவிடும்.

ஆனால் ஹலால் சான்றிதழ் பற்றிப் பேசும் போது இரண்டு கருத்தல்ல பல கருத்திற்கு இடமுண்டு. ஹலால் சான்றிதல் எம்மைப் பாதுகாக் உலமா சபை ஏற்படுத்தித்ததந்த  ஒரு கேடயம். அதை பாதுகாக்க முயற்சிக்க வேண்டும். முடியாது போனால் அது எமது தோல்வியாகவும் இருக்கலாம். விட்டுக் கொடுப்பாகவும் இருக்கலாம். அல்லது கோளைத் தனமாகவும் இருக்கலாம். இதற்காக நாம் உலமா சபையையோ அல்லது சில உலமாக்களையோ திட்டித் தீர்பதை விட ஹராமான உணவுகளை தவிர்ந்து கொள்வது சாலச் சிறந்தது. 

இலங்கையில் ஹலால் சான்றிதழ் நடை முறையை ஏற்படுத்தித் தந்தவர்கள் எமது உலமா சபையாகும். உலமா சபையின் பாசையில் கூறுவதாயின் அது அவர்களது குழந்தை. அதற்கு  அவர்கள் வைத்த பெயர்.அதன் உரிமை அவர்களது கையிலும் இருக்கத்தான் செய்கிறது. அல்லது உலமா சபையை நாம் எமது கையில் எடுத்து நாம் கூறும் விதத்தில் வழி நடத்தவும் முடியும்.இதற்குப் பூரண உரிமை உலமாக்கள் வசம் இருக்கிறது எனக கொள்ளவும் முடியும. சிலவேளை எப்படி நாம் உணவுகளை  தெரிந்து கொள்வது என்ற வினா ஏற்படலாம். 

இதற்கு எமது மூதாதையர்களது வழியையும் சில இடங்களில் பின்பற்றலாம். உணவில் ஹலாலை உறுதி  செய்ய ஒரு சான்றிதழால் மட்டும் முடியாது. ஏனெனில் ஒருவன் திருடிய பணத்தால் ஹலால் சான்றிதழ் வழங்கிய உணவை விலைகொடுத்து வாங்கிக் கொண்டு வந்து உண்டால் அது ஹலாலாகுமா? 

எனவே ஹலால் என்பது உலமா சபை வழங்கும் உறுதிப் பத்திரம் மட்டுமல்ல. அது எமது நடவடிக்கையுடனும் தொடர்புடையது.

எமது மூதாதையர்கள் ஹலால் சான்றிதழைப்பாhத்தா உணவுகளை தெரிவு செய்தார்கள். இயன்றவரை நாம் சந்தேகமான உணவுகளை தவிர்ந்து கொள்வோம். சொந்தத் தயாரிப்புக்களையும் எமது நிறுவனங்களுடைய உற்பத்திகளையும் இயன்றவரை பாவிக்க முயற்சி எடுப்போம். எமது உணவில் ஹலாலைப் பேணுவது எமது கடமையே தவிர சான்றிதழ்வழங்கும் நிறுவனத்தின் கடமை மட்டுமாகாது.

மற்ற விடயம் அகில இலங்கை ஜம்மியதுல் உலமா என்பது  இலங்கை மக்களுக்கு உரியதா? அல்லது வெளிநாட்டினருக்கா? என்ற சந்தேகம் வருகிறதாக ஒரு நண்பர் தெரிவித்தார். எமது உலமா சபையின் அறிக்கையைப் பார்க்குமிடத்து அது எமக்குறிய உலமா சபையாகத் தெரிய வில்லை என்றும் குற்றம் சாட்டினார். ஏனெனில் வெளிநாட்டு மக்களை பற்றி கவலைப் படுவதை விட உள்ளுர் மக்களது விடயத்திலே அவர்களுக்கு தார்மீகப் பொறுப்புக்கள் பல உண்டு என்றும் ஏற்று மதி செய்யும் போது அதனை இறக்குமதி செய்யும் நாடுகள் பார்த்துக் கொள்வார்கள் என்றார். உள்ளுரை மறந்து வெளியூரில்  எமது உலமா சபை தலையிட்டு தீர்க்கத் தேவையில்லை என்றார்.

சிலவேளை 'அகில இலங்கை ஜம்மியத்துல் உலமா' என்பது 'சர்வதேச ஜம்மியத்துல் உலமா'வாக ஏற்றுக் கொளளப்பட்டுள்ளதா என்ற வினா சிலரிடத்தில் தோன்றுவதும் நியாயமே.

எனவே ஜம்மியத்துல் உலமா சான்றிதழ் வழங்குவது இல்லை என்றால் அதை விட்டு விட வேண்டியதான். வெளிநாட்டிற்கு ஏற்றுமதி செய்யும் பொருட்களுக்கு மட்டும் வழங்குவது என்பதை மறு பரிசிலனை செய்வது நல்லது என்பதே அனேகரின் கருத்ததாக உள்ளது.