பொய் குற்றச்சாட்டுக்களை அடியோடு மறுக்கிறது பெஷன்பக்

பெஷன்பக் வர்த்தக நிலையம் மீது குண்டர்கள் மேற்கொண்ட தாக்குதல் குறித்து அந்த நிறுவனத்தின் முக்கிய உயர் அதிகாரி ஜப்னா முஸ்லிம் இணையத்திற்கு வழங்கிய தகவல்கள் வருமாறு,

பெஷன்பக் மீது திட்டமிட்டு வதந்தி பரப்பப்படுகிறது. அந்த வதந்திகளில் எந்த உண்மையுமில்லை. எமது நிறுவனத்தில் 18 வயதிற்கு குறைந்த எவரும் வேவை பார்க்கவில்லை. மாற்றுமத சகோதரர்கள்தான் அதிகமாக பணியாற்றுகின்றனர்.

எங்கள் வர்த்தக நிலைய ஊழியர் 15 வயது சிங்கள சகோதரியை பாலியல் பலாத்காரம் செய்ததாக கூறப்படுவதில் எந்த உண்மையும் இல்லை. அதற்கான ஆதாரங்களும் கிடையாது. இந்த போலிப் பிரசாரங்கள் நிச்சயம் சோடிக்கப்பட்டவை. இதுதொடர்பில் பெஷன்பக் மீது தெரிவிக்கப்படும் குற்றச்சாட்டுக்களை பொறுப்புடன் அடியோடு மறுக்கிறேன். வதந்திகளை கண்டு ஏமாற வேண்டாமென வேண்டுகோளும் விடுக்கிறோம்.

எமது வர்த்தக நிறுவனம் அமைந்துள்ள பகுதியிலிருந்து கொஞ்சம் தள்ளி இவ்வாறான சம்பவம் நடைபெற்றுள்ளது. அதற்கும் எங்களுக்கும் எந்த தொடர்புமில்லை. அந்த விரும்பத்தகாத சம்பவத்துடன் தொடர்புடையவருக்கும் எமது நிறுவனத்திற்கு எந்தவொரு உறவுமில்லை. இது தெளிவானது, இதுதான் யதார்த்மானது எனவும் பெஷன்பக்கில் உயர்பதவி வகிக்கும் அவர் உறுதிபட தெரிவித்தார்.

மேலும் தீடீரான திரண்டுவந்த 300 க்கும் மேற்பட்டவர்கள் தம்நிறுவனம் மீது தாக்குதல் மேற்கொண்டதாகவும், இதில் பௌத்த தேரர்களும் பங்கேற்றதாகவும் கூறிய அவர், இதனால் தமது நிறுவனத்திற்கு சேதங்கள் ஏற்பட்டுள்ளதாகவும் குறிப்பிட்டார்.