ஹலால் சான்றிதழ் தொடர்ந்து வேண்டும் - சிங்கள வர்த்தகர்கள் அறிவிப்பு

அகில இலங்கை ஜம்மியத்துல் உலமா சபையின் ஹலால் பிரிவு தமது உற்பத்தி பொருட்களுக்கு தொடர்ந்தும் ஹலால் சான்றிதழ் வழங்க வேணடுமென சிங்கள சமூகத்தை சேர்ந்த வர்த்தகர்கள் வேண்டுகோள்  விடுத்துள்ளனர்.

ஹலால் பிரிவின் அலுவலகத்திற்கு சென்றுள்ள சிங்கள வர்த்தகர்களே இவ்வாறு வேண்டுகோள் விடுத்ததாக ஜம்மியத்துல் உலமா சபையின் முக்கிய பிரதிநிதி ஒருவர் ஜப்னா முஸ்லிம் இணையத்திற்கு தெரிவித்தார்.

அகில இலங்கை ஜம்மியத்துல் உலமா சபையின் ஹலால் முத்திரை பொறிக்கப்படாத உற்பத்திப் பொருடட்களை முஸ்லிம்கள் கொள்வனவு செய்யாமல்விடின் தமக்கு பாரிய நஷ்டமேற்படுமென சிங்கள வர்த்தகர்கள்  இதன்போது சுட்டிக்காட்டியுள்ளனர்.

அதேநேரம் சிங்கள சமூகத்தைச் சேர்ந்த முக்கிய வர்த்தகர்கள் பொருளாதார அபிவிருத்தி அமைச்சர் பஸில் ராஜபக்ஸவிடம் தமது உற்பத்திப் பொருட்களுக்கு ஹலால் முத்திரை பதிக்கும் பணியை அகில இலங்கை ஜம்மியத்துல் உலமா சபை தொடர்ந்து மேற்கொள்ள வேண்டுமென வலியுறுத்தியுள்ளதாக அறிவருகிறது.