மஹரகமயில் பேரினவாதிகளின் எழுச்சிப்பெரு விழாவும் - அரசாங்கம் கூறிய சிறிய குழுவும்..!

(ஜே.எம்.ஹாபீஸ்)

மகரகமையில் ஞாயிற்றுக் (17.2.2013) கிழமை மாலை மகரகமையில் நடந்த பௌத்த மகாநாடு அவர்களைப் பொருத்தவரை பாரிய வெற்றியாகக் கொள்ள முடியும். 

ஏனெனில் ஆயிரம் பேரை எதிர்பார்க்கும் சில இஸ்லாமிய எதிர்ப்புக் கூட்டங்களுக்கு நூறு பேராவது சேர்வது சிரமமாக இருந்த உண்மையை கடந்த காலங்களில் கண்டோம். கண்டியில் நடந்த மாநாடு கூட மூடிய அறையிலேதான் இடம் பெற்றது.

ஆனால் மகரகமைக் கூட்டத்திற்கு பத்தாயிரம் பேரை எதிர்பார்த்த போதும்  அவ்வாறு இல்லாவிட்டாலும் நான்கு முதல் ஐயாரிம் பேர் வரை குழுமி இருந்ததைக் கான முடிந்தது. இதில் காவியுடையினரே மிகக் கூடுதலாக இருந்தனர். முழு மகரகமையும் பௌத்த கொடிகளால் விழாக் கோலம் பூண்டு காணப்பட்டது. எங்கும் ஒலி பெருக்கிகள் இணைக்கப்பட்டிருந்தன.

கலகத் தடுப்பும் பொலீஸாரும் நீர்பாச்சும் யந்திரங்களும் காத்து நின்றது மட்டுமல்லாது முழு மகரகமைப் பிரதேசத்திலும் பொலீஸார் காவல் பணிகளில் ஈடுபட்டிருந்தனர். இவ் ஏற்பாட்டுகள் அனைத்தும் பொதுமகனான எமக்கா? அல்லது ஆசிர்வாதம் வழங்கப்பட்ட மக்களுக்கு இடைஞ்சல் ஏற்படாது இருக்க வழங்கப்பட்ட சலுகையா? என்பதை பொருத்திருந்து தான் பார்க்க வேண்டும்.

நாட்டில் தற்போது நடப்பவற்றைப் பார்க்கும் போது நாலடி பின் நின்று அவதானிப்பதே புத்தி சாதுர்யமாகத் தெரிகிறது. பி.பி.சி. ஊடக வியலாளர்களுக்கு இல்லாத பாதுகாப்பு எமக்கா? என எண்ணத் தோன்றுகிறது.

கண்டிக் கூட்டத்தின் போது பின்பற்றப்பட்ட அவர்களது நடைமுறையில் பாரிய வித்தியாசம் காணப்படவில்லை. ஒன்று கூடிய அறை. மற்றது திறந்த வெளி. எனவே செய்தி சேகரிப்பதை விட எமது தலையைப் பாதுகாப்பதுவே சிறந்தது எனத் தோன்றியது. 

சிவில் சீர் உடை வாலிபர்கள் அதிகமாக இருந்ததுடன் அவர்களை நிறுவன ரீதியல் ஒழுங்கமைத்து வழி நடத்தியதையும் காண முடிந்தது. இவர்கள் உத்தியோகப் பற்றற்ற பாதுகாப்பு மற்றும் தாகசாந்தி உற்பட நலன்புரி நடவடிக்கைகளில் ஈடுபட்டனர். இவர்களை இடத்திற்கிடம் அழைத்துச் செல்ல பஸ்வண்டிகள் கூட பணிக்கமர்த்தப்டடிருந்தன. அவை பௌத்த கொடிகளைத்தாங்கிய இளைஞர்களை அழைத்துச் சென்றன. முச்சக்கரவண்டிகள் இதனை விட ஒரு படி மேலே இருந்தன.

ஒரு சில வாலிபர்கள் சிவில் சீர் உடையில் ஏதோ தேடி அழைவதைக் காண முடிந்தது. எனது நண்பர் நகைக்சுவையாகச் சொன்ன விடயம் ஒரு வேளை உண்மையாகவும் இருக்கலாம். 'அதி விசேட' பாணம் ஒன்றை தேடுவதாக அவர் குறிப்பிட்டர்.

இலங்கையில் இவ்வளவு இலத்திரனியல் ஊடகங்கள் இருக்கின்றனவா என பிரமிக்க வைக்கும் அளவு டீ.வீ . கெமராக்கள் நூற்றுக்ணக்கில் இருந்தன.

சுருங்கக் கூறின் இவ்வளவு காலமும் அரச தரப்பால் சிறிய குழு என்று அழைக்கப்பட்டவர்கள் சிறு குழுவல்ல. தேசிய மட்டத்தில் நடைபெற்ற இனவாத எழுச்சி பெருவிழா என்று கூறலாம்.