இலங்கையில் அல்ஹைதா தலிபான் அமைப்புகளுடன் தொடர்புடையோருக்கு எதிராக நடவடிக்கை

(Vi) அல்கொய்தா, ஜிஹாத், தலிபான் போன்ற இயக்கங்களுடன் தொடர்புடையோருக்கு எதிராக சட்ட நடவடிக்கைகளை மேற்கொள்ள இலங்கை அரசாங்கம் தீர்மானித்துள்ளதாக தெரிவிக்கப்படுகின்றது.

மேற்படி இயக்கங்களுடன் தொடர்புடைய பலர் வடக்கு மற்றும் கிழக்கு மாகாணங்களில் உள்ளதாகவும் அவர்களுக்கு எதிராக அடுத்த மாதம் முதல்  சட்ட நடவடிக்கை மேற்கொள்ளப்படுமெனவும் தெரிவிக்கப்படுகின்றது.

குறித்த இயக்கங்களுடன் தொடர்பு இருக்கின்றமை உறுதிசெய்யப்படுமானால் 2 வருட சிறைத்தண்டனையும், ஒரு இலட்சம் ரூபா அபராதமும் விதிக்கப்படுமெனவும் தெரியவருகின்றது.

இதுகுறித்த செய்தியை சிங்கள ஊடகமொன்று வெளியிட்டுள்ள அதேவேளை இதுகாலவரையும் இலங்கையில் அல்ஹைதா மற்றும் தலிபான்களின் செயற்பாடுகள் காணப்படுகின்றமைக்கான எந்தவொரு ஆதாரமோ அல்லது இலங்கை முஸ்லிம்கள் அவர்களுக்கு உதவுகிறார்கள் அல்லது இலங்கை முஸ்லிம்கள் அந்த அமைப்புக்களுடன் தொடர்பு வைத்துள்ளார்கள் என்பதற்கான எந்தவித ஆதாரமும் இல்லையென்பது கவனிக்கத்தக்கது.