நேத்ரா அலைவரிசையில் ஹஜ்ஜுப் பெருநாள் விசேட ஒளிபரப்பு

(நஜ்முல் ஹுஸைன்)

ஹஜ்ஜுப் பெருநாள் தினமான இம்மாதம் 27-10-2012ம் திகதி ரூபவாஹினி நேத்ரா அலைவரிசையில் மாலை 3 மணி முதல் 6 மணிவரை விசேட நிகழ்ச்சிகள் பல ஒளிபரப்புவதற்கு ஏற்பாடுகள் செய்யப்பட்டுள்ளதாக அதன் முஸ்லிம் நிகழ்ச்சி பணிப்பாளர் அல்ஹாஜ் எம்.கே.எம். யூனூஸ் தெரிவித்தார்.

முஸ்லிம் பிரிவைச் சேர்ந்த மபாஹிர் மௌலானா, முபாரக் மொஹிதீன், அஸாரியா பேகம் ஆகியோர் இந் நிகழ்ச்சிகளைத் தயாரித்து வழங்குகின்றனர்.

மபாஹிர் மௌலானா இயக்கித் தயாரித்த 'டொக்டர் மாப்பிள்ளை' சமூக நாடகம், ஹாஜா அலாவுதீனின் நெறியாள்கையில் ஓரங்க நாடகம், மௌலவி காத்தான்குடி பௌஸ், யாழ் அஸீம், எம்.எஸ்.எம்.ஜின்னா, என்.நஜ்முல் ஹுசைன் ஆகியோர் எழுதி கலைக்கமல் இசையமைப்பில், உபைதுல்லாஹ் மௌதூம், மொஹீனா பேகம், ஸமீரா ஹசன், கலைக்கமல் ஆகியோர் பாடும் இஸ்லாமிய கீதங்கள், மௌலவி அப்துல்லாஹ் மஃதூம் ஆலிம் அவர்களுடனான உரையாடல், புத்தளம் தில்லையடி முஸ்லிம் மஹா வித்தியாலயம், மற்றும் ஸாஹிரா கல்லூரி ஆரம்பப் பிரிவு மாணவிகளின் கலை நிகழ்ச்சிகள், நெய்னா முஹம்மத், மவ்னுதீன் ஆகியோரின் பாவா பாடல் என்பவற்றுடன் தமிழ்த்தென்றல் அலி அக்பர் தலைமையில் பிரபல கவிஞர்களான கலாபூசணம் டாக்டர் தாஸிம் அகமது, கன்னல் கவி கிண்ணியா அமீர் அலி, எங்கள் தேசம் பஷீர் அலி ஆகியோர் கலந்து கொள்ளும் கவியரங்கமும் இடம்பெற உள்ளது.

மூன்று மணித்தியாலங்கள் தொடரும் இந் நிகழ்ச்சிகளை எஸ் ரபீக், எம்.அன்ஸஹான் ஆகியோர் தொகுத்து வழங்க இருக்கிறார்கள்.