இலங்கையில் தினமும் 11 பேர் தற்கொலை செய்கிறார்களாம்..!

வருடாந்தம் உலகில் ஒரு மில்லியன் பேர் வரை தற்கொலை செய்து கொள்கின்றனர் எனவும் இலங்கையில் தினசரி 11 பேர் தற்கொலை செய்து கொள்வதாகவும் தெரிவிக்கப்பட்டுள்ளது.

உலக தற்கொலையை தடுக்கும் தினத்தை முன்னிட்டு இன்று காலை கொழும்பு கின்ஸி வீதியிலுள்ள சுகாதார கல்விப் பணிமனையில் செய்தியாளர் மாநாடு ஒன்று இடம்பெற்றது.

 

இம் மாநாட்டில் கலந்துகொண்டு உரையாற்றிய இலங்கை மனநோய் சுகாதாரப்பிரிவின் பதில் பணிப்பாளரான மனநோய் விசேட மருத்துவ நிபுணர் டாக்டர் ரசாங்ஜலி ஹெட்டியாரச்சி, உலகில் வருடந்தோறும் சுமார் ஒரு மில்லியன் பேர் வரை தற்கொலை செய்து கொள்வதுடன், 40 வினாடிகளுக்கு ஒருவர் வீதம் தற்கொலை செய்துகொள்வதாகவும் உலக சுகாதார அறிக்கை சுட்டிக்காட்டியுள்ளது. எனத் தெரிவித்தார்.

அத்துடன், இலங்கையில் தினசரி 11 பேர் தற்கொலை செய்து கொள்வதாக மனநோய் சுகாதாரப் பிரிவின் அறிக்கைகள் கூறுகின்றன எனவும் அவர் குறிப்பிட்டுள்ளார்.

இதேவேளை இந்த மாநாட்டில் கருத்து தெரிவித்த மனநோய் விசேட மருத்துவ நிபுணர் டாக்டர் நீல் பெர்னான்டோ, அண்மை காலமாக இளம் சமூகத்தினரிடையே தற்கொலைகள் அதிகரித்துள்ளதாகவும் அதிலும் பெண்களை விட ஆண்களே இவ்வாறு தற்கொலை செய்துக்கொள்வதாகவும் சுகாதார அறிக்கைகள் சுட்டிக்காட்டுவதாகவும் தெரிவித்தார்.

1985ம் ஆண்டு முதல் 2000ம் ஆண்டு வரையிலான காலப்பகுதியில் ஒரு லட்சத்து ஆறாயிரம் பேர் தற்கொலை செய்துக்கொண்டுள்ளனர். அவ்வாறே   இலங்கை, ஜப்பான்,பின்லாந்து , தெரிவித்தார்.அவுஸ்திரேலியா, சுவிட்சர்லாந்து போன்ற நாடுகளிலேயே உலகில் அதிக எண்ணிக்கையான தற்கொலைச் சம்பவங்கள் இடம்பெறுவதாகவும் அவர் குறிப்பிட்டார்.

தற்கொலை என்பது ஒரு மனநோய் நிலையயைப்பொருத்தது என்றும் தனிப்பட்ட ரீதியிலும் ,குடும்ப மட்டத்திலும் சமூக மட்டத்திலும் இதனை தடுக்க முடியும் என அவர் மேலும் தெரிவித்தார்.