தொழுகை முடித்துவிட்டு காரில் சென்ற முக்கிய இராணுவ அதிகாரி சுட்டுக்கொலை

லிபியாவின் ராணுவ தளபதியாக இருந்தவர் ஹாதியா அல் பெய்தூரி. ராணுவ அமைச்சகத்தின் அதிகாரியாகவும் இருந்தார். இந்த நிலையில் நேற்று பெங்காசியில் தொழுகையை முடித்தபின் காரில் வீட்டுக்கு திரும்பி கொண்டிருந்தார்.

அப்போது அவரது காரை வழிமறித்த மர்ம நபர்கள் தங்களது துப்பாக்கியால் சுட்டனர். அதில் அவர் அதே இடத்தில் ரத்த வெள்ளத்தில் பலியானார். அவரை சுட்டது யார்? எதற்காக கொலை செய்தனர் என தெரியவில்லை. கடாபி ஆட்சி அகற்றப்பட்ட பிறகு சமீபத்தில்தான் அங்கு மக்களால் தேர்ந்தெடுக்கப்பட்ட புதிய அரசு பதவி ஏற்றது.