பள்ளிவாசல் சம்பவங்களின் பின்னணியில் மொஷாட்..? தெஹிவளையில் சூத்திரதாரி பிடிபட்டான்..!

(முக்கிய குறிப்பு - நவமணி  பத்திரிகையில் இன்று வெள்ளிக்கிழமை வெளியாகியுள்ள இச்செய்தி பத்திரிகையின் ஆசிரியர் என்.எம். அமீனுடைய பூரண அனுமதியுடனே இங்கு பதிவுசெய்யப்படுகிறது. யாழ் முஸ்லிம் இணையத்திலிருந்து இவ்வாறான செய்திகளை அல்லது கட்டுரைகளை கொப்பி செய்பவர்கள் தயவுசெய்து எமது சிரமத்தையும் கவனத்திற்கொள்ளுமாறு நட்புடன் கேட்கிறோம்)

தெஹிவளை கல்விகாரை பள்ளியில் கடந்த செவ்வாய்கிழமை, மாலை நேரம் நடைபெற்றுள்ள சம்பவமொன்றினையடுத்து அண்மைய காலங்களில் நிகழந்த பள்ளிவாசல் சம்பவங்களின் பின்னணியில் இஸ்ரேலிய மொஷாட் உளவுப்பிரிவு உள்ளதா என்ற சந்தேகம் ஏற்பட்டுள்ளது.

சந்தேகத்திற்குரிய முறையில் செயற்பட்ட வெளிநாட்டு இளைஞரொருவரின் செயற்பாட்டினையடுத்து அந்த இளைஞரிடமிருந்து பெறப்பட்ட தகவல்களின்படி இச்சந்தேகம் ஏற்பட்டுள்ளதாக பள்ளிவாசல் நிர்வாகி முஹம்மத் கியாஸ் தெரிவித்துள்ளார்.

மேற்படி பள்ளிக்கு குறித்த தினத்தன்று மஹ்ரிப் நேரத்துக்கு முன்பு வருகைதந்த வாட்டசாட்டமான இளைஞரொருவர் பள்ளியை புகைப்படமெடுக்க வேண்டுமென நிர்வாகியிடம் கேட்டிருக்கிறார். அரபு நாட்டு இளைஞரொருவர் அவர் காணப்பட்டதால் புகைப்படம் எடுப்பதற்கு நிர்வாகி அனுமதி வழங்கினார். புகைப்படமெடுத்த பின்னர் பள்ளி தொடர்பான விபரங்களை தனக்கு தருமாறு குறித்த இளைஞர் மௌலவியிடம் கேட்டுள்ளார்.

இந்த நேரத்தில் மஹ்ரிபு தொழுகைக்கான அதால் ஒலித்தது. குறித்த இளைஞர் வுளு செய்யாமலேயே தொழுகையில் பங்கேற்றார். இவரின் செயற்பாடுகள் சந்தேகத்திற்குரியதாக இருந்ததால்  இவரது முகவரி அட்டையை (விசிட்டிங் கார்ட்) தருமாறு பள்ளி மௌலவி கேட்டார். இவரது பெயரை முதலில் யூசுப் என்றே இவ்விளைஞர் குறிப்பிட்டிருந்தார். எனினும் முகவரி அட்டையில் ஜோசப் என்று குறிப்பிடப்பட்டிருந்தது. எகிப்து நாட்டைச் சேர்ந்தவர் என இவர் தன்னை இனம் காட்டிக்கொண்டாலும் இஸரேலைச் சேந்தவராக இவர் இருக்கலாமென இவரது நடத்தையிலிருந்து அறியமுடிந்தது.

இவர் தன்னோடு எடுத்து வந்திருந்த பையை சோதனையிட்டபோது அங்கிருந்த வரைபடமொன்றில் தம்புள்ள, ஆரிய சிங்களவத்த, தெஹிவளை பள்ளிகளின் விபரங்கள் இருந்துள்ளன. இதுபற்றி இந்த இளைஞரிடம் கேட்டபோது பள்ளிகளுக்கு உதவிகளை வழங்கும் நோக்கில் புகைப்படமெடுத்து, விபரங்களைத் திரட்டி வருவதாகவும் அதன்பொருட்டு இங்கு வந்ததாகவும் குறிப்பிட்டுள்ளார்.

முன்னுக்குப் பின் முரணாண தகவல்களை இந்த இளைஞர் தெரிவித்துள்ள நிலையில் பள்ளிவாசல் சம்பவங்களின் பின்னணியில் மொஷாட் உளவுப் சேவை உள்ளதா என்ற சந்தேகத்தை தோன்றச்செய்துள்ளது.

இந்நிலையிலட பள்ளிகளுக்கு வந்து விபரங்களைத் திரட்டுவதற்கு முயற்சிக்கும் நபர்கள் குறித்து எச்சரிக்கையுடன் செயற்படுமாறும், குறித்த நபர்களிடமிருந்து விபரங்களைப் பெற்றுக்கொள்ள முயற்சிக்குமாறும் கேட்கப்படுகின்றனர்.