முஸ்லிம்களுக்கு 16 ஆம் திகதி நியாயம் கிடைக்குமா..?

எம்.எல்.லாபிர், ரஸீன் ரம்ஸீன்

காளை மாடொன்றை அறுப்பதற்கு யாழ் அரசாங்க அதிபர் இமெல்டா சுகுமார் விதித்த தடை உத்தரவை எதிர்த்து தாக்கல் செய்யப்பட்ட மனு மீதான விசாரணை எதிர்வரும் 16 ஆம் நடைபெறவுள்ளது.

அதேவேளை குறித்த காளைமாடு தொடர்பில் வழக்கு நிலுவையில் உள்ள நிலையில் அதனை உரியவரிடமிருந்து கொள்வனவு செய்வது தொடர்பான அறிவித்தலொன்று யாழ் தமிழ் பத்திரிகையொன்றில் அரசாங்க அதிபர் இமெல்டா சுகுமாரை மேற்கோள்காட்டி பிரசுரமாகியுள்ளது.

இதற்கு முன்னரும் குறித்த பத்திரிகை காளைமாடு தொடர்பில் தமிழ் முஸ்லிம் உறவினை சீர்குலைக்கும் வகையில் செய்திகளை வெளியிட்டுள்ளமையும் இங்கு குறிப்பிடத்தக்கது.

அதேவேளை இந்து பீடங்கள் மற்றும் பொது மக்களின் வேண்டுகோளின் பேரிலேயே தடை காளை மாட்டை அறுக்க தடைவிதித்தாக இமெல்டா சுகுமார் குறிப்பிட்டுள்ளார்.

இருந்தபோதும் மாநகர சபையின் அங்கீகாரம் பெற்ற அனுமதிப்பத்திரம் பெறப்பட்டதும், கால்நடை உற்பத்தி சுகாதார திணைக்களத்தின் சிபாரிசைப் பெற்றதும், சுகாதார பரிசோதகரின் அனுமதி பெற்றதுமான குறித்த காளை மாட்டை அறுப்பதற்கு ரிய தடையை அரச அதிபர் பொலிஸாரினூடாக பிறப்பித்தமை தொடர்பில் முஸ்லிம்களிடையே பலத்த அதிருப்த்தி நிலவுகின்றமை இங்கு கவனிக்கத்தக்கது.


எமது முந்திய செய்தி

http://www.jaffnamuslim.com/2012/03/blog-post_6908.html
யாழ்ப்பாண முஸ்லிம்கள் இறைச்சிக்காக மாடு வெட்டுதலும்இ தவறான கருத்துக்களும் (படங்கள் இணைப்பு)

இறைச்சிக்காக வெட்டப்படவிருந்த காளை மாடு