June 26, 2021

தொழுகை நேரங்­களில் வர்த்­தக நிலை­யங்­க­ளை, மூடாதிருக்க சவூதி திட்டமிடுகிறதா..? கலந்­து­ரை­யா­டலை சூரா­க­வுன்ஸில் பிற்­போட்­டது


(ஏ.ஆர்.ஏ.பரீல்)

சவூதி அரே­பி­யாவில் வெள்­ளிக்­கி­ழமை தவிர்ந்த ஏனைய நாட்­களில் தொழுகை நேரங்­களில் கடை­க­ளையும், வர்த்­தக நிலை­யங்­க­ளையும் மூடு­வ­தில்லை எனும் தனது சிபா­ரிசு தொடர்­பான கலந்­து­ரை­யா­டலை அந்த நாட்டின் சூரா­க­வுன்ஸில் பிற்­போட்­டுள்­ளது.

இஸ்­லா­மிய விவ­கார அமைச்சின் வரு­டாந்த அறிக்கை தொடர்­பான கலந்­து­ரை­யாடல் அமர்வு கடந்த திங்­கட்­கி­ழமை இடம்­பெ­ற­வி­ருந்த நிலையில் அமர்வு இடம்­பெ­று­வ­தற்கு இரண்டு மணித்­தி­யா­லங்­க­ளுக்கு முன்பு சூரா­க­வுன்ஸில் தனது தீர்­மா­னத்தை உறுப்­பி­னர்­க­ளுக்கு அறி­வித்­துள்­ளது. வெள்­ளிக்­கி­ழமை தவிர்ந்த ஏனைய நாட்­களில் தொழுகை நேரங்­களில் வர்த்­தக நிறு­வ­னங்­களை மூடு­வ­தற்கு கட்­டா­யப்­ப­டுத்தக் கூடாது எனவும் சூரா­ க­வுன்ஸில் தெரி­வித்­துள்­ளது.

திங்­கட்­கி­ழமை அமர்வில் சூரா­ க­வுன்­ஸிலின் இரு விஷேட சிபா­ரி­சுகள் தொடர்பில் கலந்­து­ரை­யாடி வாக்­க­ளிப்பு இடம்­பெ­ற­வி­ருந்­தமை குறிப்­பி­டத்­தக்­க­தாகும். முத­லா­வது சிபா­ரிசு கலா­நிதி பஹத் அல் துக்­கைபி மற்றும் பொறி­யி­ய­லாளர் அலி அல்­கர்னி ஆகி­யோரால் முன்­வைக்­கப்­பட்­டது.

இஸ்­லா­மிய விவ­கார அமைச்சு தனியார் மயப்­ப­டுத்தும் தேசிய நிலை­யத்­துடன் இணைந்து அமைச்சின் சில சேவை­களை தனியார் மயப்­ப­டுத்தல் தொடர்பில் ஆய்­வு­களை மேற்­கொள்ள வேண்டும். குறிப்­பாக பள்­ளி­வா­சல்­களின் கட்­டி­டங்­களை பழு­து­பார்த்தல் மற்றும் துப்­பு­ரவு செய்தல் போன்ற அமைச்சின் சேவைகள் தனியார் மயப்­ப­டுத்­தப்­பட வேண்டும் என சிபா­ரிசு செய்­யப்­பட்­டுள்­ளது.

இரண்­டா­வது வெள்­ளிக்­கி­ழமை தவிர்ந்த ஏனைய நாட்­களில் தொழுகை நேரங்­களில் வர்த்­தக நிறு­வ­னங்கள் மற்றும் கடை­களை மூட வேண்டும் என்று கட்­டா­யப்­ப­டுத்­தக்­கூ­டாது. இந்த குறிப்­பிட்ட சிபா­ரிசு சூரா­க­வுன்ஸில் உறுப்­பி­னர்­க­ளான அட அல்­சுப்­ஹைதி, கலா­நி­தி­க­ளான பைசால் அல்­பாதில், லதீபா அல் ஷாலான், லதீபா அல் அப்துல் கரீம் ஆகி­யோரால் முன்­வைக்­கப்­பட்­டது. இஸ்­லா­மிய விவ­கார அமைச்சு சம்­பந்­தப்­பட்ட நிறு­வ­னங்­க­ளுடன் இணைந்து பணி­யாற்ற வேண்டும். எரி­வாயு நிலை­யங்கள், பாம­சிகள் என்­பன உட்­பட வர்த்­தக நிறு­வ­னங்­களை வெள்­ளிக்­கி­ழமை தவிர்ந்த ஏனைய நாட்­ட­களில் தொழுகை நேரங்­களில் மூடும்­படி கட்­டா­யப்­ப­டுத்­தக்­கூ­டாது என இவர்கள் சிபா­ரி­சினை முன் வைத்­துள்­ளனர்.

மேலும் தனது ஏனைய சிபா­ரி­சு­க­ளையும் பிற்­போட்­டுள்­ளது. இஸ்­லா­மிய விவ­கா­ரங்­க­ளுக்­கான அமைச்சு பள்­ளி­வா­சல்­களின் இமாம்கள் மற்றும் முஅத்தீன்கள் தொடர்பான தீர்மானங்களையும், சுற்று நிருபங்களையும் துரிதப்படுத்த வேண்டும் எனும் சிபாரிசும் முன்வைக்கப்பட்டுள்ளது. அமைச்சு இமாம்களுக்கும் மத போதகர்களுக்கும் அதிகமான வேலைவாய்ப்புகளையும் உருவாக்கி ஒத்துழைக்க வேண்டும் எனவும் கோரியுள்ளது.- Vidivelli

2 கருத்துரைகள்:

Where all salafi groups ?
They will never open their mouth if even Saudi government does it

No Hurry. The Crown Prince, MBS, is marking time till he becomes the King. After that, even on Fridays, shops will be open. And so will Cinema Halls which will spring every where in Saudi.

Post a Comment