முஸ்லிம்களின் உடலை புதைப்பதற்கு அனுமதி கோருவது, அடிப்படைவாதம் என்கிறான் அருள்காந்த்

கொரோனா வைரஸ் தொற்றினால் உயிரிழக்கின்ற முஸ்லிம்களின் சரீரத்தை புதைப்பதற்கு அனுமதிகோருவது, அடிப்படைவாதம் ஆகும் என்றும், அதற்கு அனுமதிவழங்கப்படக்கூடாது என்றும் இந்து அமைப்பொன்று வலியுறுத்தியுள்ளது. 

அகில இலங்கை இந்து சம்மேளனம் என்ற அந்த அமைப்பின் தலைவர் நாரா டி அருள்காந்த் இதனைத் தெரிவித்துள்ளார். 

இந்துக்களில் எவராவது ஒருவர் மரணிப்பாராயின், அவரது உடலை புதைக்க வேண்டும் அல்லது எரிக்க வேண்டும் என நாங்கள் அரசாங்கத்திற்கு அழுத்தம் கொடுக்க முடியாது.

ஏனெனில், அரசாங்கம் பொது சட்டமன்றை அல்லது பொது சுற்றறிக்கை ஒன்றை வழங்கி இருக்கின்றது.

இந்துக்களுக்கும், பௌத்தர்களுக்கும், கத்தோலிக்கர்களுக்கும் இதனை ஏற்றுக்கொள்ள முடியுமாயின், வேறொரு தரப்பினர் இருந்துக்கொண்டு, தங்களது முறைமைக்கு அமைய இந்த உடல்களை புதைக்க வேண்டும் என கூறுவது முழுமையாக அடிப்படைவாத செயற்பாடாகும் என்று அவர் தெரிவித்துள்ளார்.

கெரோனா நிலைமையை எதிர்கொள்வதற்கு அரசாங்கத்திற்கு நாங்கள் ஒத்துழைப்பு வழங்க வேண்டும்.

இந்துக்களிலும் சடலங்களை புதைப்பவர்களும் உள்ளனர், தகனம் செய்பவர்களும் உள்ளனர் 

எனவே வேறு சட்ட திட்டங்களை வகுத்துக் கொண்டு செயல்படுவதாயின், இந்துக்கள் என்ற அடிப்படையில் தாங்களும் கோரிக்கை விடுக்க வேண்டி ஏற்படும் என அவர் தெரிவித்துள்ளார்.