June 27, 2020

இலங்கையர்களில் அதிகமானோர் நித்திரையிலேயே, நேரத்தை செலவுசெய்வதாக ஆய்வில் கண்டுபிடிப்பு

இலங்கை மக்களில் பெருமளவானோர் நித்திரையிலேயே அதிகளவு நேரத்தை செலவுசெய்வதாக ஆய்வில் கண்டுபிடிக்கப்பட்டுள்ளது.

ஆட்களைப் பதிவுசெய்யும் திணைக்களம் இந்த ஆய்வை நடத்தியது.

இதில் 24 மணிநேரத்தில் தனிநபர் ஒருவர் தூக்கத்திற்காக 8 மணித்தியாலமும் 6 நிமிடங்களையும் செலவுசெய்கின்றார் என்று தெரியவந்துள்ளது.

60 வயதுக்கு மேற்பட்டவர்கள் 8 மணித்தியாலம் 18 நிமிடங்கள் ஒருநாளுக்கு தூங்குகின்றனர். 20 வயது தொடக்கம் 54 வயது வரை உள்ளவர்கள் தினமும் 7 மணித்தியாலமும் 30 நிமிடங்கள்வரை நித்திரை செய்கின்றனர்.

இதேவேளை தொழில் செய்யும் பிரிவினர் தினமும் 7 மணித்தியாலமும் 6 நிமிடங்களும் தூக்கத்திற்காக செலவுசெய்கின்றனர்.

இதேவேளை தொடர்பாடல், விநோத சுற்றுலாக்களுக்கு அதிகளவு ஆண்களே ஈடுபாடு கொண்டுள்ளனர். பெண்களில் இதன் வீதம் 88.4 ஆகவும், ஆண்களின் வீதம் 90.6 ஆகவும் உள்ளது.

எவ்வாறாயினும் நோயற்ற வாழ்வுக்கு தினமும் 6 தொடக்கம் 8 மணிநேர தூக்கம் அவசியம் என்று குறிப்பிடப்பட்டுள்ளது.

0 கருத்துரைகள்:

Post a comment