ரணில் - சஜித் விடாப்­பிடி, தொடரும் இழு­பறியால் பங்­கா­ளிகள் அதி­ருப்தி

(ரொபட் அன்­டனி)

ஐக்­கிய தேசியக் கட்­சியின் ஜனா­தி­பதி வேட்­பா­ளரை தெரிவு செய்­வதில் இழு­பறி நிலைமை நீடித்­து­வ­ரு­கின்ற சூழலில் விரைவில் இந்த விவ­கா­ரத்துக்கு தீர்­வு­காண வேண்டும் என ஐக்­கிய தேசிய முன்­ன­ணியின் பங்­கா­ளிக்­கட்­சிகள் தொடர்ச்­சி­யாக வலி­யு­றுத்­தி­வ­ரு­கின்­றன. பங்­கா­ளிக்­கட்­சி­களை உள்­ள­டக்­கிய  ஜன­நா­யக தேசியக் கூட்­ட­ணியை விரைவில் ஸ்தாபிக்க வேண்டும். 

என்றும் வேட்­பா­ளரை தெரிவு செய்ய வேண்டும் என்றும் பங்­கா­ளிக்­கட்­சிகள் வலி­யு­றுத்­தி­வ­ரு­கின்ற நிலை­யிலும் வேட்­பாளர் தெரி­வா­னது தொடர் இழு­பி­றி­யி­லேயே காணப்­ப­டு­கின்­றது. 

ஐக்­கிய தேசிய முன்­ன­ணிக்குள் வேட்­பாளர் தெரி­விலும் ஜன­நா­யக தேசியக் கூட்­டணி அமைப்­ப­திலும் நீடிக்கும் இழு­பறி முரண்­பாட்டு நிலைமை தொடர்பில் பங்­கா­ளிக்­கட்­சிகள் அதி­ருப்­தியில் இருப்­ப­தா­கவும் தெரி­விக்­கப்­ப­டு­கின்­றது.

ஐக்­கிய தேசியக் கட்­சியின் தலைவர் ரணில் விக்­கி­ர­ம­சிங்க தான் ஜனா­தி­பதி தேர்­தலில் போட்­டி­யி­டு­வ­தற்கு எதிர்­பார்ப்­ப­தாக இது­வரை உத்­தி­யோ­க­பூர்­வ­மாக தெரி­விக்­கா­வி­டினும் அவர் அந்த தீர்­மா­னத்தில் உறு­தி­யாக இருப்­ப­தாக தெரி­ய­வ­ரு­கின்­றது.

அதே­போன்று கட்­சியின் பிரதித் தலை­வரும் அமைச்­ச­ரு­மான சஜித் பிரே­ம­தா­சவும் தாம் இம்­முறை ஜனா­தி­பதித் தேர்­தலில் போட்­டி­யிட வேண்டும் என்­பதில் உறு­தி­யாக இருக்­கின்றார்.  அவர் அதற்­கான அர­சியல் நகர்­வு­களில் ஈடு­பட்­டு­வ­ரு­கின்றார்.

சஜித் பிரே­ம­தா­ச­வுக்கு ஆத­ர­வாக பதுளை மற்றும் மாத்­தறை பிர­தே­சங்­களில் இரண்டு கூட்­டங்கள் நடை­பெற்­றுள்ள நிலையில் எதிர்­வரும் 5 ஆம் திகதி குரு­ணா­கலில் மற்­று­மொரு கூட்டம் நடை­பெ­ற­வுள்­ளது.  இவ்­வாறு தனிப்­பட்ட ரீதியில் கூட்­டங்­களை நடத்த வேண்டாம் என ஐக்­கிய தேசியக் கட்­சியின் தலைமை அறி­வித்துள் ள நிலை­யிலும் கூட்­டங்கள் நடத்­தப்­பட்டு வரு­கின்­றன. 

இந்த நிலை­யி­லேயே பிர­தமர் ரணில் விக்­கி­ர­ம­சிங்­கவும் அமைச்சர் சஜித் பிரே­ம­தா­சவும் வேட்­பாளர் விட­யத்தில் விட்­டுக்­கொ­டுக்­காமல் இருக்­கின்ற சூழலில் இழு­பறி நிலை நீடித்து வரு­கின்­றது.

வேட்­பாளர் விட­யத்தில் கட்­சிக்குள் முரண்­பாடு நில­வு­வ­தாக கட்­சியின் அமைச்­சர்கள் மற்றும் பாரா­ளு­மன்ற உறுப்­பி­னர்கள் பகி­ரங்­க­மாக கூறும் நிலைமை ஏற்­பட்­டி­ருக்­கின்­றது. இதே­வேளை பிர­தமர் ரணில் விக்­கி­ர­ம­சிங்க இன்­றைய தினம் மாலை தீவுக்கு விஜயம் செய்­ய­வுள்ள நிலையில் அவர் நாடு திரும்­பிய பின்னர் வேட்­பாளர் விடயம் தொடர்பில் தீர்க்­க­மான முடி­வொன்று எடுக்­கப்­ப­டு­மென ஐக்­கிய தேசியக் டக்­சியின் வட்­டா­ரங்கள் தெரி­வித்­தன.

இந்த வேட்­பாளர் இழு­பறி நிலை கார­ண­மாக பாங்­க­ளி­கட்­சி­களை உள்­ள­டக்­கிய ஜன­நா­யக கூட்­ட­ணியை ஸ்தாபிப்­ப­திலும் தாமதம் நிலவி வரு­கின்­றது.

ஜனா­தி­பதி வேட்­பாளர் தெரிவு செய்­யப்­பட்ட பின்­னரே  ஜன­நா­யக கூட்­டணி நிறு­வப்­பட வேண்­டு­மென சஜித் பிரேமதாஸ தரப்பு கூறிவருகின்றது. ஆனால்  ஜனநாயக கூட்டணி நிறுவப்பட்டபின்னரே வேட்பாளர் அறிவிக்கப்பட வேண்டும் என பிரதமர் ரணில் விக்கிரமசிங்க தரப்பு கூறிவருகின்றது. இந்தப் பின்னணியிலேயே வேட்பாளர் விடயத்தில் ஆளும் ஐக்கிய தேசிய முன்னணிக்குள் தொடர்ந்ரும் முரண்பாடுகள் நிலவிவருகின்றமை குறிப்பிடத்தக்கது.