இலங்கையில் ஷிஆஇஸம் + காதியானிஸத்துக்கெதிரான ஆயுதங்கள்...!

-Inaas-

சில நாட்களுக்கு முன்னர் ஒரு பத்திரிகையில் ஷிஆ சார்பான பல்கலைக்கழகம் ஒன்றின் விளம்பரம் பிரசுரமானது. அதனை தொடர்ந்து எமது வட்ஸ்ஆப் வீரர்கள் வொய்ஸ் ரேகோட் செய்து குறிப்பிட்ட பத்திரிகையை புறக்கணியுங்கள் குறிப்பிட்ட பல்கலைகழகத்தை புறக்கணியுங்கள் என்று எல்லோருக்கும் Voice Message அனுப்பி ஏதோ பெரிய சாதனை செய்தது போல் இலங்கையில் வேரூன்றி வரும் ஷிஆஇஸத்தையே அழித்துவிட்டதாக எண்ணி ஒய்ந்து போயினர்.

நாம் ஒரு விடயத்தை உணர்ந்துகொள்ள வேண்டும் இந்த நாடு ஒரு ஜனநாயக நாடு ஷிஆஇஸ்ம் மட்டுமல்ல காதியாணிகளுக்கும் இங்கு இயங்க சட்டரீதியான அனுமதியுண்டு.

அவர்களின் நிறுவனங்களுக்கு எதிரான இப்படியான சிறுபிள்ளைத்தனமான பிரச்சாரங்களாலோ வன்முறையாலோ இந்த தீய கொள்கைகளிலிருந்து மக்களை காப்பாற்ற முடியாது. என்பது தான் உண்மை.

அந்தக் கொள்கைகள் கொடிய தீய கொள்கைகளாக இருந்தாலும் அவர்கள் அந்த தீய கொள்கைகளை பரப்ப அவர்களது செல்வங்களை திட்டமிட்டு உரிய இடங்களில் முதலீடு செய்கின்றனர்.

பல்கலைக்கழங்களில் திறமையான மாணவர்களுக்கு உதவித்தொகைகள் வழங்குவதில் இவர்களுக்கு சார்பான கொள்கையுள்ள நாடுகளில் உயர்கல்வி கற்க செல்ல வசதி செய்து கொடுப்பதில் நீண்டகாலத் திட்டத்தோடு செயற்படுகின்றனர்.

ஆனால் நாமோ சமகாலத்துக்கு அத்தியாசியமானது இல்லாமல் வெறுமனே தனிப்பட்ட நிறுவனங்கள் தம்மை பிரபலப்படுத்திக்கொள்ளும் நோக்கோடு முஸ்லிம் சமூகத்தின் பணத்தை கோடி கோடியாக வாரி இரைக்கின்றனர்.

அண்மையில் நான ஒரு விளம்பரம் பார்த்தேன் அகில இலங்ககை ரீதியான ஹிப்ல் மனன போட்டிமுதலாமிடம் பெறுபவருக்கு உம்ரா பயணம் பரிசு (150,000) இரண்டாம் இடம் 50,000 பரிசு மூன்றாம் இடம் 40,0000 பரிசு இப்படி இந்த போட்டியின் பரிசுக்கு மட்டும் பல லட்சங்கள். உண்மையில் இது காலத்தின் தேவைதானா?

இப்படியான ஒரு விடயத்துக்கு லட்சங்கள் செலவழிப்பதில் சமூகத்துக்கு என்ன பயன். இவர்கள் இப்படி அர்த்தமற்ற விடயங்களில் லட்சக்கணக்கில் செலவழிக்கும் அதே நேரம் பல ஆயிரம் மாணவர்கள் தமது உயர்கல்வியை தொடர பணமில்லாமல் அங்குமிங்கும் புலமைப்பரிசில் கேட்டு அலைகிறார்கள்.

உண்மையில் அவர்களின் ஒவ்வொருவரினதும் நிலையை காண பெரிதும் பரிதாபமாகத்தான் இருக்கிறது. ஷிஆஇஸம் காதியானிஸம் போன்ற வழிகெட்ட கொள்கைகள் இந்த திறமையான மாணவர்களை இலக்குவைத்தே தமது பணத்தை முதலீடு செய்து வருகின்றனர். இவர்களின் பல்கலைக்கழங்களில் மிகக் குறைந்த விலையில் இவர்களுக்கான உயர்கல்வி வழங்கப்பட்டு மேற்படிப்புக்காக இவர்களின் தலைமைநாடுகளுக்கு மூலைசலவை செய்வதற்காக இந்த மாணவர்கள் வெளிநாட்டுக்கு அனுப்பபடுகின்றனர்.

இப்படி ஈரான் நாட்டுக்கு உயர்கல்வி கற்க சென்ற மாணவர்களின் தொகை ஆயிரத்தையும் தாண்டிவிட்டது. நிச்சயம் இவர்கள் எதிர்காலத்தில் நமக்கு சவாலாக வரப்போகிறவர்கள் என்பதில் எந்த சந்தேகமுமில்லை.

இப்படியான ஒரு சூழ்நிலையில் ஹிப்ல் போட்டிக்கும் உம்றா செல்வதற்கும் பலகோடிகளை நாம் சமூகம் செலவழித்துவிட்டு ஏதோ ஒரு பத்திரிகையில் அவர்களின் விளம்பரம் வரும் போது வட்ஸ்ஆப்பில் கூக்குரலிட்டுவிட்டு ஓய்ந்து போவதில் எந்த அர்த்தமுமில்லை.

நாங்கள் வீணாக குரைத்து குரைத்து இருப்போம் ஷீஆ காதியானிஸம் போன்ற தீய சக்திகள் அவர்களின் வேலையை அமைதியாக கவனமாக நிதானமாக செய்து முன்னோக்கி போய்கொண்டேயிருப்பார்கள். கல்விகற்கும் மாணவர்களுக்கு ஸகாத் மூலம் கல்விக்கடனாக கொடுத்து அவர்களின் கல்விக்கு உதவ முடியும் போன்ற முற்போக்கான ஆதராபூர்வமான பத்வாக்கள் சர்வதேச இஸ்லாமிய சூழலில் அங்கீகரிக்கப்பட்டிருக்கும் இன்றைய காலப்பிரிவில் ஷிஆஇஸம் காதியானிஸம் போன்ற தீய சக்திகளிடமிருந்து எமது மாணவர்களை காப்பாற்ற நமது ஸகாத் பணத்திலிருந்தும் நாம் முதலீடு செய்ய முன்வரவேண்டும்.

ஏனெனில் சமூகத்தின் பாதுகாப்போடு நேரடியாக தொடர்புபடும் ஒரு விடயம். கடைசியாக ஒரு விடயத்தை கூறி முடிக்கலாம் என்று நினைக்கின்றேன்.

அண்மையில் முழு இலங்கையையும் அதிர்ச்சியில் ஆழ்த்திய நாவலபிட்டியை சேர்ந்த ரிபான் என்ற மாணவனை பற்றி கேள்விபட்டிருப்பீர்கள்.  ஜடீஎன் தொலைகாட்சியில் யூத்வித்டலன்ட என்ற நிகழ்ச்சியினூடாக முஸ்லிம்களினதுமட்டுமல்லாமல் சிங்களவர்கள் தமிழர்கள் அனைவரினதும் பாராட்டை பெற்றவர் தான் ரிபான்.

அந் நிகழ்ச்சியில் நடுவராக கடமையாற்றிய பிரபல கலைஞர் ஒருவர் ரிபான் இந்த நாட்டின் சொத்து அரசு இவரை சிறப்பாக நாட்டு நலனுக்காக பயன்படுத்தவேண்டும் என்று கோரியிருந்தார். இணையத்திலும் கூட பல பல சிங்களவர்களின் பாராட்டை பெற்றார்.

கணிதத்தில் அபரமிதமான ஆற்றலுடைய ரிபான் என்ற அந்த சகோதரனுக்கு முஸ்லிம் சமூகம் என்ன செய்தது? அம்மாணவனை கண்டுகொள்ளவுமில்லை. முஸ்லிம்களின் ஊடகங்கள் கூட உரிய முக்கியத்துவத்தை அந்த மாணவனுக்கு வழங்கவில்லை.

இதே நேரம் எங்காவது ஒரு ஹிப்ல் போட்டியில் ஒரு மாணவன் வெற்றி பெற்றால் தலையில் வைத்து கொண்டாடி விமானநிலையத்தலிருந்து குறித்தவருக்கு செங்கம்பள வரவேற்று கொடுப்போம். ஏன் இந்த பாகுபாடு?

நான் இங்கு ஹிப்லை தரக்குறைவாக பேசவில்லை. இன்றைய காலத்தின் தேவையை முற்படுத்த வேண்டும் என்று சொல்கிறேன்.

ஷிஆஇஸம் காதியானிஸம் போன்ற தீயசக்திகளின் இலக்கும் ரிபான் போன்ற வித்தியாசமான திறமையுள்ள மாணவர்களே. இப்படியான திறமையான மாணவர்களை ஷிஆஇஸமோ காதியானிஸமோ கவ்வ முன்னர் நாம் அம்மாணவர்களுக்கு உரிய கௌரவமளித்து நம்முடன் வைத்துக்கொள்ள முயற்சிக்க வேண்டும். இல்லையேல் எதிர்காலத்தில் எமது அழிவு அவர்களின் கையால் தான்.

ஆகவே நாம் எமது செல்வங்களை கால முக்கியத்துவமற்ற விடயங்களில் செலவழிக்காமல் இயன்றவரை திட்டமிட்டு கால முக்கியத்துவம் வாய்ந்த செயற்றிடங்களுக்கு செலவழிப்போம்.

தொடரும்……………..