கனவுகளையும் நம்பிக்கைகளையும் பாதியில் விட்டுச்சென்ற கிருபாவும், ஆஷ்லியும் - கண்ணீரில் மூழ்கிய ஊர்!

ஏராளமான கனவுகளையும் எதிர்பார்ப்புகளையும் மனதில் சுமந்துகொண்டு, உயர்கல்விக்காக வெளிநாடு செல்லத் தயாராகிக் கொண்டிருந்தனர் கிருபாவும் ஆஷ்லியும்.

படிப்பை முடித்து வாழ்க்கையில் உயர்ந்த நிலையை அடைய வேண்டும், தங்களது எதிர்காலத்தை அழகாக அமைத்துக்கொள்ள வேண்டும் எனப் பல கனவுகளுடன் வாழ்ந்த அந்த இரண்டு இளம்பெண்களையும், அந்தக் கனவுகளுக்கான பயணத்தைத் தொடங்குவதற்கு முன்பே மரணம் தன்னுடன் அழைத்துச் சென்றுவிட்டது.

கேரள மாநிலம் கோட்டயம் மாவட்டம் பாம்பாடியில், கே.கே. சாலையில் உள்ள பதின்மூன்றாம் மைல் பகுதியில் காலை சுமார் 9 மணியளவில் இந்தச் சோகமான விபத்து நிகழ்ந்தது.

கட்டப்பனையிலிருந்து கோட்டயத்திற்குச் சென்று கொண்டிருந்த தனியார் பேருந்தின் கீழ், ஸ்கூட்டரில் பயணித்துக் கொண்டிருந்த கிருபாவும் ஆஷ்லியும் சிக்கினர். இந்தக் கோர விபத்தில் இருவரும் பரிதாபமாக உயிரிழந்தனர்.

ஆஸ்திரேலியாவில் எம்.எஸ்.டபிள்யூ. (MSW) படிப்பை முடித்துவிட்டு ஊர் திரும்பிய கிருபா மெரின் குரியனும், ஆஷ்லி ஆன் தாமஸும் உயர்கல்விக்காக மீண்டும் வெளிநாடு செல்லத் தயாராகிக் கொண்டிருந்தனர்.

வாழ்க்கையில் சாதிக்க வேண்டும், தங்களது கனவுகளை நனவாக்க வேண்டும் என்று எதிர்காலத்தை நோக்கிப் பயணிக்கத் தயாராக இருந்த இருவரின் வாழ்க்கையையும் விதி பாதியிலேயே பறித்துக்கொண்டது.

2  இளம்பெண்களின் கனவுகளும் எதிர்பார்ப்புகளும் ஒரே விபத்தில் சிதைந்துபோன நிலையில், அவர்களை இழந்த துயரத்தில் அந்த ஊரே கண்ணீரில் மூழ்கியுள்ளது. 

வாழ்க்கையில் இன்னும் எத்தனையோ சாதனைகளைப் படைக்க வேண்டிய வயது… ஆனால், அவர்களின் கனவுகள் மட்டும் நிறைவேறாமல் பாதியிலேயே நின்றுவிட்டன! 

W.Kumar