முன்னாள் அமைச்சர்களின் 10 மகன்கள் மீது விசாரணைகள்

இலஞ்சம், ஊழல்,  பல்வேறு முறைகேடுகளில் ஈடுபட்டதாகக் குற்றம் சாட்டப்பட்டுள்ள முன்னாள் அமைச்சர்களின் 10 மகன்கள் மீது, விசாரணைகள் தொடங்கப்பட்டுள்ளது. 

இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையம் மற்றும் குற்றப் புலனாய்வுத் துறை உள்ளிட்ட பல விசாரணை அமைப்புகள் ஆகியவை இந்த அதிரடி நடவடிக்கையை முன்னெடுத்துள்ளன.  

இந்த நபர்கள் வெளிநாடுகளுக்குத் தப்பிச் செல்வதைத் தடுக்கத் தேவையான நடவடிக்கைகள் எடுக்கப்பட்டு, முன்னாள் அமைச்சர்கள் உட்பட அரசியல்வாதிகளின் 3  மகன்கள், பல்வேறு ஊழல் குற்றச்சாட்டுகள் மற்றும் பாதாள உலகத்துடனான தொடர்புகள் குறித்து ஏற்கனவே கைது செய்யப்பட்டுள்ளனர்.

முந்தைய அரசாங்கங்களின் போது, ​​பல அமைச்சர்களின் மகன்கள் தங்கள் தந்தையரின் அதிகாரத்தைப் பயன்படுத்தி பல்வேறு ஊழல்களையும் முறைகேடுகளையும் செய்துள்ளனர் என்று விசாரணையில் தெரியவந்துள்ளது