(Button Battery) குறித்து விழிப்பாக இருக்கவும் . சிறுவன் உயிரிழப்பு

கைக்கடிகாரத்தில் பயன்படுத்தப்படும் சிறிய (Button Battery) விழுங்கிய சிறுவன் ஒருவன்,  கராபிட்டிய தேசிய வைத்தியசாலையில் சிகிச்சை பெற்று  நிலையில் உயிரிழந்தான்.

வெலிகம, படவல பகுதியைச் சேர்ந்த நேஹான் தசங்க டி சில்வா (வயது 7) என்ற சிறுவனே உயிரிழந்தவனாவான்.  தலாரம்ப இந்தசார வித்தியாலயத்தில் தரம் 3-இல் கல்வி கற்று வந்தான். மரண விசாரணையில் சாட்சியமளித்த சிறுவனின் தந்தை,

எனது  மகன் சிறிய மின்கலத்தை எடுத்துத் தெரியாமல் விழுங்கிவிட்டான். வயிற்றுப் பகுதியை (X-Ray) எடுத்தோம். அறுவை சிகிச்சை மூலம் வயிற்றிலிருந்த மின்கலம் அகற்றப்பட்டது. 2  நாட்கள் சிகிச்சைக்குப் பின் வீடு திரும்பினான். முதுகு, வயிறு, தலைவலி இருப்பதாகக் கூறினான். அன்று அவன் பாடசாலைக்கு அனுப்பி வைக்கப்பட்டான். காலை 8:30 மணியளவில் பாடசாலையிலிருந்து அழைப்பு வந்தது மகன் ரத்தம் வாந்தி எடுப்பதாகத் தெரிவித்தனர்.

உடனடியாக  வைத்தியசாலையில் அனுமதிக்கப்பட்டான். ஆனால் அவன் நினைவு திரும்பவில்லை. மீண்டும் அறுவை சிகிச்சை மேற்கொள்ளப்பட்டது. இருப்பினும், சிகிச்சை பலனின்றி ஞாயிற்றுக்கிழமை மாலை மகன் உயிரிழந்தான்.