உலகை அதிரச்செய்யும் பிரிட்டனில் உளள, கத்தாரின் சொத்துக்கள்

கட்டாரின் மன்னர் ஷேக் தமிம் பின் ஹமாத் அல்-தானியின் அரச குடும்பத்தைச் சேர்ந்த சொத்துரிமை, தற்போது பிரித்தானிய அரச குடும்பத்தின் தனிப்பட்ட நில உரிமையை விஞ்சியுள்ளது. 

 

அல்-தானி மாளிகை லண்டனில் ஒரு பெரிய மறைமுக ரியல் எஸ்டேட் சாம்ராஜ்ஜியத்தை கட்டியெழுப்பியுள்ளது. 

 

பொதுவாக, பிரித்தானிய மன்னர் சார்லஸுக்கு சொந்தமான லண்டன் கோபுரம் (Tower of London) போன்ற வரலாற்றுச் சிறப்புமிக்க மாளிகைகள் 'கிரவுன் எஸ்டேட்' மூலம் நாட்டின் சார்பாக நம்பிக்கை நிதியாகவே நிர்வகிக்கப்படுகின்றன. 

 

அவை தனிப்பட்ட சொத்துக்களாகக் கருதப்படுவதில்லை. 

 

ஆனால், கட்டார் அரச குடும்பத்தின் சொத்துக்கள் அனைத்தும் தனிப்பட்ட உரிமையாகவே உள்ளன. 

 

அல்-தானி குடும்பத்தின் மொத்த நிகர மதிப்பு சுமார் £2.4 பில்லியன் (பவுண்டுகள்) என மதிப்பிடப்பட்டுள்ளது. 

 

ஷேக் தமிம் பின் ஹமாத் அல்-தானிக்கு மட்டும் £1.6 பில்லியன் மதிப்புள்ள சொத்துக்கள் இருப்பதாக கூறப்படுகிறது. 

 

கட்டார் அரச குடும்பம் லண்டன் தலைநகரில் சுமார் 1.8 மில்லியன் சதுர அடி பரப்பளவிலான சொத்துக்களைக் கொண்டுள்ளது. 

 

இங்கிலாந்தின் வடமேற்குப் பகுதியான மேஃபெயர், கட்டார்காரர்களுக்குச் சொந்தமான கட்டிடங்களின் எண்ணிக்கையால் 'குட்டி தோஹா' என்று அழைக்கப்படுகிறது. 

 

இந்த சமூகத்தில் நான்கில் ஒரு பங்கு சொத்துக்கள் கட்டார் குடும்பத்திற்குச் சொந்தமானவை. இதில் பிரித்தானியாவின் மிகவும் விலையுயர்ந்த தனிப்பட்ட இல்லம் ஒன்றாகும், இது 2015 இல் £400 மில்லியன் என மதிப்பிடப்பட்டது. 

 

கட்டாரின் இருப்பு குடியிருப்புகளோடு நிற்கவில்லை. லண்டனின் முக்கிய வணிக மற்றும் உள்கட்டமைப்புத் துறைகளிலும் அதன் பங்களிப்பு உள்ளது. 

 

புகழ்பெற்ற ஆடம்பரப் பொருட்கள் விற்பனைக் குழுமமான ஹாரோட்ஸ் முழுமையாக கட்டாருக்குச் சொந்தமானது. The Berkeley, Claridge's, The Connaught மற்றும் The Emory போன்ற ஹோட்டல்கள். 

 

ஐரோப்பாவிலேயே மிக உயரமான கட்டிடங்களில் ஒன்றான தி ஷார்ட் (The Shard) கட்டிடத்தின் 95 வீத உரிமையை கட்டார் அரசு கொண்டுள்ளது. 

 

மேலும் கனரி வார்ஃப் துறைமுக நகரத்தின் இணை உரிமையாளர், ஹீத்ரோ விமான நிலையத்தின் 20 வீத பங்குகள், பிரித்தானிய பல்பொருள் அங்காடித் தொடரான செய்ன்ஸ்பரிஸில் 14.3 வீத முதலீடு என இந்த பட்டியல் நீண்டு செல்கிறது.