”எங்கள் குழுவில் சில கறுப்பு ஆடுகள் இருந்துள்ளன" - ரிசா சாரூக்
தனது கட்சியினர் ஆட்சேபனைகளை எழுப்பிய போதிலும், ஆணையர் சாரங்கிகா ஜெயசுந்தர ரகசிய வாக்கெடுப்பு மூலம் வாக்கெடுப்பை நடத்த தன்னிச்சையான முடிவை எடுத்ததாக ஸாரூக் கூறினார்.
"ஆரம்பத்திலேயே, ரகசிய அல்லது திறந்த வாக்குச்சீட்டு மூலம் வாக்கெடுப்பு நடத்தப்படலாம் என்று ஆணையர் அறிவித்தார், ஆனால் நடைமுறையின்படி, அந்த முறை கவுன்சிலர்களின் பெரும்பான்மை முடிவால் தீர்மானிக்கப்பட வேண்டும்," என்று ஸாரூக் கூறினார்.
வாக்களிக்கும் முறை குறித்த முடிவும் ரகசிய வாக்கெடுப்பு மூலம் எடுக்கப்படும் என்று ஆணையர் ஒருதலைப்பட்சமாக அறிவித்ததாகவும், இதனால் முழு தேர்தல் செயல்முறையும் அந்த வழியில் தொடர வேண்டிய கட்டாயம் ஏற்பட்டதாகவும் அவர் குற்றம் சாட்டினார்.
ஆளும் கட்சி ரகசிய வாக்கெடுப்புக்கு அழுத்தம் கொடுக்க திட்டமிட்டுள்ளது என்பது தெளிவாகத் தெரிந்த பிறகு, தனது குழுவிற்குள் கவலைகள் எழுந்ததாக அவர் மேலும் கூறினார்.
”எங்கள் குழுவில் சில கறுப்பு ஆடுகள் இருந்துள்ளன. இது அனைத்து இடங்களிலும் பொதுவான விடயம்.நம்பிக்கையுடன் களத்தில் இறங்கினோம். ஆனாலும் இது நம்பிக்கை உடைக்கப்பட்ட தருணம். இருப்பினும் நாம் பின்வாங்க மாட்டோம்” என ஸாருக் மேலும் தெரிவித்தார்.
Post a Comment