Header Ads

அச்சுறுத்தும் ஜனாதிபதிக்கு சஜித் கண்டனம் - கோழைத்தனமான, பழங்குடி பாணி எனவும் தெரிவிப்பு


இந்த நாட்டின் குடிமக்களை குறிவைத்து, ஜனாதிபதி இன்று மிகவும் கோழைத்தனமான மற்றும் பழங்குடி பாணியிலான அறிக்கையை வெளியிட்டார், அந்த அறிக்கையை நான் வெறுக்கத்தகவாறு நிராகரிக்கிறேன்.


◼️ மக்கள் போராட்டத்தின் முன் தோற்கடிக்கப்பட்டு பின்வாங்கிய ராஜபக்ஷக்களின் கைகளில் இருந்து பாதுகாப்பாகப் பெற்ற சாவியைப் பயன்படுத்தி அதிகாரத்தைப் பெற்ற ஜனாதிபதியின் தன்னிச்சையான அறிக்கையாகவே இதனைக் கருதலாம்.


◼️போராடியது இந்நாட்டின் குடிமக்கள், எதிர்காலத்தில் போராடுவது இந்நாட்டின் குடிமக்கள் தான். அவ்வாறு போராடும் இந்நாட்டு பிரஜைகள் ஒடுக்கப்படுவார்கள் என ஜனாதிபதி பிரகடனம் செய்கிறார்.


◼️ ராஜபக்ச தலைமையிலான அரசால் நம் தாய்நாட்டை இருண்ட பாதாளத்தில் தள்ளிய தன்னிச்சையான ஆட்சிக்கு எதிராக கட்சி பேதமின்றி இந்நாட்டு குடிமக்கள் நடத்திய போராட்டம் ஒரு முட்டாள்தனமான அரசாங்கத்தை தீர்க்கமான தோல்வியில் தள்ளியதாகும்.


இதன் விளைவாக ஜனாதிபதி மற்றும் பிரதமர் தலைமையிலான அதிகாரமிக்க அரசாங்கம் மாற்றியமைக்கப்பட்டு ஜனாதிபதி தலைமையிலான புதிய அரசாங்கம் உருவானது.எனினும், இந்தப் பின்னடைவு ராஜபக்ஷ  விரும்பிய ஒரு மாற்றமாகவே  இருந்தது, தற்போதைய ஜனாதிபதி அந்த விருப்பத்தை நிறைவேற்றுகிறார்.


◼️ அதுதான் இந்நாட்டு குடிமக்களின் அனுமதியின்றி உருவாக்கப்பட்ட வக்கிரமான அரசாங்கத்தின் வாயில்காப்புப் பணியை அவர் செய்து வருகிறார்.


◼️மக்களின் விருப்பமின்றி பின்கதவால் ஆட்சிக்கு வந்து பொருளாதாரக் கொலைகாரர்கள் கூட்டத்தின் பாதுகாப்புடன் விடுக்கும் கோழைத்தனமான அறிக்கைகளுக்கு இந்நாட்டு பிரஜைகள் அஞ்சுவதாக ஜனாதிபதி கருதினால், சில மாதங்களுக்கு முன்னர் ஏற்பட்ட அரசியல் மாற்றத்தை மீள்பரிசீலனை செய்ய வேண்டும். 


 ◼️ இந்த ஜனநாயக நாட்டில் மக்களின் விருப்பத்திலோ, மக்களின் இறையாண்மையிலோ நம்பிக்கையில்லாத பாசிச பாணியிலான திட்டத்தை நடைமுறைப்படுத்துவதற்கு, அரசாங்கமோ ஜனாதிபதியோ எடுக்கும் எந்த நடவடிக்கையையும் முடக்குவதற்கு ஐக்கிய மக்கள் சக்தி நிபந்தனையின்றி முன்வரும் என்பதை உறுதிபடத் தெரிவிக்கின்றோம்.


◼️  பொருளாதார ரீதியில் சீரழிந்த நாட்டில், சுமையைத் தாங்க முடியாத குடிமக்கள் அதற்கு எதிராகக் கிளர்ந்தெழுந்தபோது அவர்களை அடக்கி, பொருளாதாரத்தை அழித்த பொருளாதாரக் கொலையாளிகளின் கைப்பொம்மையாக தற்போதைய ஜனாதிபதி மாறிவிட்டார், ஆனால் இந்த நாட்டின் குடிமக்கள் அப்படியான கைப்பொம்மை இல்லை என்பதை வலியுறுத்துகின்றோம்.


◼️ பொருளாதாரக் கொலையாளிகளை சிவப்புக் கம்பளத்தில் வரவேற்கும் ஜனாதிபதி, பாரிய துன்பங்களை அனுபவிக்கும் மக்களுக்கு அடக்குமுறையை வழங்கப் போவதாக தனது வெறித்தனமான அறிக்கை மற்றும் நடத்தையின் மூலம் உணர்த்துவதுடன், அவ்வாறான அச்சுறுத்தல்களுக்கு நாங்கள் அடிபணிய மாட்டோம் என்பதையும் வலியுறுத்துகின்றோம்.


◼️ இது போன்ற கோழைத்தனமான அறிக்கைகளை ஒரு வழிகெட்ட அரசாங்கத்தின் தலைவரிடமிருந்து மட்டுமே எதிர்பார்க்க முடியும், மேலும் இதுபோன்ற காட்டுமிராண்டித்தனமான மற்றும் கேலிக்குரிய அறிக்கைகள் மற்றும் நடத்தைகளை கவனத்தில் எடுத்துக் கொள்ள வேண்டாம் என்று நாட்டு மக்கள் அனைவரையும் அன்புடன் கேட்டுக்கொள்கிறோம்.


◼️ இலங்கையின் வரலாற்றிலும்,உலக வரலாற்றிலும் ஒரு புதிய அத்தியாயத்தை அடையாளப்படுத்தும் வகையில், எமது நாட்டுப் பிரஜைகள் மிகவும் ஒழுக்கத்துடனும் சுயநலத்திற்குப் பதிலாக பரோபகாரம் நிறைந்த எதிர்பார்ப்புகளுடனும் போராடினார்கள் என்பதையும், அத்தகைய குடிமக்களுக்கு எதிரான எந்த அச்சுறுத்தலையும் எதிர்கொண்டு மக்களைப் பாதுகாக்கும் கேடயமாக ஐக்கிய மக்கள் சக்தி இருக்கும் என்பதையும் வலியுறுத்துகின்றோம்.



சஜித் பிரேமதாஸ

எதிர்க்கட்சித் தலைவர்

No comments

Powered by Blogger.