அல்குர்ஆன் சிஙகள மொழி, வெளியீட்டுக்கு ரணில் செல்லாதது ஏன்...?

- AAM. ANZIR -

அகில இலங்கை ஜம்மியத்துல் உலமாவின் ஏற்பாட்டில், சிங்கள மொழி மூலமான அல்குர்ஆன் வெளியீடு கடந்தவாரம் நடந்தது.

இதில் பங்கேற்குமாறு ஜனாதிபதி மைத்திரிபால சிறிசேன மற்றும் பிரதமர் ரணில் விக்கிரமசிங்க உள்ளிட்ட பல தரப்பினருக்கும் ஜம்மியத்துல் உலமா அழைப்பிதழை கையளித்திருந்தது.

குறித்த தினத்தில், ஜனாதிபதி மைத்திரிபால அநுராதபுரத்தில் நிகழ்வொன்றில் பங்கேற்றுவிட்டு, அவசரமாக கொழும்பு திரும்பி அல்குர்ஆன் சிஙகள மொழி வெளியீட்டு விழாவில் அதீதியாக பங்கேற்றார்.

ஜனாதிபதியின் டயறியில் ஒன்றரை மாதங்களுக்குரிய நிகழ்வுகள் ஏற்கனவே நிச்சயமான நிலையிலும், குர்ஆன் வெளியீட்டுக்குப் பின்னர் அவர் வெளிநாட்டு பிரதிநிதிகளுக்கு விருந்துபசாரம் வழங்கவிருந்த நிலையிலுமே, அகில இலங்கை ஜம்மியத்துல் உலமாவின் அழைப்புக்கு மதிப்பு வழங்கி நிகழ்வில் பங்கேற்றுள்ளார்.

சிங்கள மொழி மூலமான அல்குர்ஆன் வெளியீட்டில், பிரதமர் ரணில் பங்கேற்காத நிலையில் அவர் அன்றைய தினம் உதைப்பந்தாட்டப் போட்டியொன்றை காண சென்றுள்ளார்.

எனினும் முஸ்லிம் விவகாரங்களில்  எப்போதுமே ஆர்வமற்றுச் செயற்படும் ரணில், இந்தமுறையும் அதனை வெளிக்காட்டியுள்ளதாக jaffna muslim இணையத்திடம் சுட்டிக்காட்டிய முக்கிய அரசியல் புள்ளி ஒருவர், ஜம்மியத்துல் உலமாவின் அழைப்பிதழையும், முஸ்லிம்களை திருப்த்திபடுத்துவதையும் விட பிரதமர் ரணிலுக்கு  உதைப்பந்தாட்டமே முக்கியமாக போய்விட்டது என்றார் வேதனையுடன்...!