இப்படியும் ஒரு கணவன் - புத்தலைப் பொலிசாரினால் கைது

(எம். செல்வராஜா)

தனது மனைவியின் அந்தரங்கப் பகுதியில் தீப்பந்தத்தினால் சூடு வைத்துக் கொடுமைப்படுத்தியதாகக் கூறப்படும் கணவனை புத்தல பொலிஸார் கைது செய்துள்ளனர்.

கணவனுக்கும் மனைவிக்குமிடையில் ஏற்பட்ட தகராறையடுத்து கணவன் தனது மனைவியைக் கட்டிலுடன் இறுகக் கட்டி வைத்து அவரை நிர்வாணமாக்கி, தீப்பந்தத்தினால், மனைவியின் மறைவிடத்தில் சூடு வைத்துள்ளமை விசாரணைகளில் தெரிய வந்துள்ளது.

மனைவியின் அவலக் குரலைக் கேட்ட அயலவர்கள் அங்கு வந்து, கட்டிலுடன் கட்டப்பட்டிருந்த பெண்ணை விடுவித்து, அவரை மருத்துவ மனையில் அனுமதித்தனர். அப்பெண் கடுமையான தீக்காயங்களுடன் சிகிச்சை பெற்று வருகின்றார்.

இந்தப் பெண் பொலிஸாருக்கு வழங்கிய வாக்குமூலத்தின் அடிப்படையில் அவரது கணவர் கைது செய்யப்பட்டுள்ளார்.

கைது செய்யப்பட்ட நபரை, புத்தல நீதிமன்றத்தில் ஆஜர் செய்ய நடவடிக்கை எடுத்திருப்பதாக, புத்தலைப் பொலிஸ் நிலையப் பொறுப்பதிகாரி ருவன் பெர்ணாந்து தெரிவித்தார்.