ஜனாதிபதி, பிரதமருக்கு அமீரலி எச்சரிக்கை

வில்பத்துக் காணிக்கு அரசாங்கம் செய்யப்பட்டிருக்கின்ற வர்த்தமானி அறிவித்தல் உடனடியாக மீள்பரிசீலனை செய்யப்பட வேண்டும் என கிராமிய பொருளாதார அலுவல்கள் பிரதியமைச்சர் எம்.எஸ்.எஸ்.அமீர் அலி தெரிவித்துள்ளார்.

அகில இலங்கை மக்கள் காங்கிரஸின் வட்டாரக் கிளை ஓட்டமாவடியின் அங்குராப் பணம் செய்து வைக்கும் நிகழ்வில் இன்று கலந்து கொண்டு உரையாற்றும் போதே மேற்கண்டவாறு கூறியுள்ளார்.

வில்பத்துக் காணிக்கு நீங்கள் செய்யப்பட்டிருக்கின்ற வர்த்தமானி அறிவித்தல் உடனடியாக மீள்பரிசீலனை செய்யப்படவில்லை என்றால் நாங்களும் மீள்பரிசீலனை செய்ய வேண்டி வரும் என்ற விடயத்தை ஜனாதிபதிக்கு அகில இலங்கை மக்கள் காங்கிரஸ் தெளிவாக தெரிவித்திருக்கின்றது.

கடந்த காலத்தில் மகிந்த ராஜபக்ஸவை வீட்டுக்கு அனுப்ப வேண்டும் என்று சிறுபான்மை சமூகம் சொன்ன பொழுது நாங்கள் எந்தவித கட்டுப்பாடுகளும் விதிக்காமல் முதலில் ஆட்சி பீடம் ஏறி அலங்கரித்தவர்கள்.

அதன் பின்னர் தபால் வாக்களிப்புக்கு பின்புதான் ஸ்ரீலங்கா முஸ்லிம் காங்கிரஸனர் சொன்னார்கள் மனச்சாட்சியின் படி வாக்களியுங்கள் என்றும் குறிப்பிட்டுள்ளார்.

நாங்கள் தைரியமாக வெளியேறி இந்த அரசசை கொண்டு வருவதற்கு முக்கிய ஊண்றுகோளாக அமைந்திருக்கின்றோம்.

வில்பத்துக் காணி விடயத்தில் இழுத்தடிப்பு செய்து அல்லது நகர்த்தல் செய்தால் இதற்கு கடுமையான விலையை அரசியல் சமூகம் நகர்த்தப்படுகின்ற போது பெரிய விலை ஒன்றை கொடுக்க வேண்டி வரும் என்ற எச்சரிக்கையை நாட்டின் ஜனாதிபதி மற்றும் பிரதமர் ஆகியோருக்கு சொல்லிக் கொள்ள வேண்டும் எனவும் கிராமிய பொருளாதார அலுவல்கள் பிரதியமைச்சர் எம்.எஸ்.எஸ்.அமீர் அலி குறிப்பிட்டுள்ளார்.