முஸ்லிம் பொலிஸ், உத்தியோகத்தரின் நேர்மை -

மட்டக்களப்பு பிரதான வீதியின் கல்லடி பொலிஸ் பயிற்சிக் கல்லூரியின் பொலிஸ் உத்தியோகத்தர் ஏ.ரீ.எம்.சுபியானினால் கண்டெடுக்கப்பட்ட பெண் ஒருவரின் பணப்பை நேற்று -24- கல்லடி பொலிஸ் பயிற்சிக் கல்லூரியின் பொறுப்பதிகாரி பிரதான பொலிஸ் பரிசோதகர் டி.ஏ.ரஹீம் முன்னிலையில் உரிய பெண்ணிடம்  ஒப்படைக்கப்பட்டது.

38 ஆயிரம் ரூபா பணம், வங்கி பண வரவு அட்டை  என்பவை பொலிஸ் உத்தியோகத்தர் ஏ.ரீ.எம்.சுபியானினால் மட்டக்களப்பு பிரதான வீதியில் கண்டெடுக்கப்பட்டது.

குறித்த பணப்பை யாருடையது என்பதை கண்டுபிடித்து ஒப்படைப்பதற்கு எந்த தகவலும் பணப் பையில் கிடைக்காத காரணத்தால் பணப்பையில் இருந்த சம்பத் வங்கி ஏ.ரீ.எம். பண வரவு அட்டையை வங்கியில் கொடுத்து பணப்பை உரிமையாளரான மட்டக்களப்பு முறக்கொட்டாஞ்சேனை தேவபுரம் பிரதேசத்தைச் சேர்ந்த கனேஷன் சுகந்தினி என்ற பெண்ணின் தகவல் பெறப்பட்டது.

இதனையடுத்து பணப்பை உரிமையாளரான கனேஷன் சுகந்தினியிடம் கல்லடி பொலிஸ் பயிற்சிக் கல்லூரியில் வைத்து வழங்கப்பட்டது.