தெஹி­வளை பள்­ளி­வாசல், சிறிய விஸ்­த­ரிப்பு பணி­க­ளுக்கு அனு­மதி

 -விடிவெள்ளிARA.Fareel-

​சட்­ட­ரீ­தி­யான ஆவ­ணங்கள் பெற்­றுக்­கொள்­ளப்­பட்டு மேற்­கொள்­ளப்­பட்டு வரும் தெஹி­வளை பாத்யா மாவத்தை பள்­ளி­வாசல் விஸ்­த­ரிப்பு பணிகள் பொலி­ஸா­ரினால் தடுத்து நிறுத்­தப்­ப­டு­கின்­றமை தொடர்­பாக பொலிஸ் உயர் அதி­கா­ரி­க­ளிடம் முறை­யிட்­ட­த­னை­ய­டுத்து கொழும்பு பிரதி பொலிஸ் மா அதிபர் நோன்பு காலத்தில் முஸ்­லிம்­க­ளுக்கு அவ­சியம் தேவைப்­படும் சில விஸ்­த­ரிப்பு பணி­களை 7 நாட்­க­ளுக்குள் பூர்த்தி செய்து கொள்­ளும்­படி அனு­மதி வழங்­கி­யுள்ளார்.

பள்­ளி­வாசல் யன்­னல்­க­ளுக்­கான கண்­ணா­டிகள் மற்றும் படிகள் நிர்­மாணம் உட்­பட சிறிய விஸ்­த­ரிப்பு பணி­க­ளுக்கு அனு­மதி வழங்­கப்­பட்­டுள்­ளது. தெஹி­வளை பாத்யா மாவத்தை பள்­ளி­வாசல் விஸ்­த­ரிப்பு விவ­கா­ரத்­துக்கு தீர்­வு­காணும் வகையில் சந்­திப்­பொன்று பொலிஸ் உயர் அதி­கா­ரிகள், முஸ்லிம் அமைச்­சர்கள், பாரா­ளு­மன்ற உறுப்­பி­னர்கள், பள்­ளி­வா­சல்கள் சம்­மே­ள­னத்தின் அங்கம் பெறும் பள்­ளி­வா­சல்­களின் தலை­வர்கள், அகில இலங்கை ஜம் இய்­யத்துல் உலமா சபை பிர­தி­நி­திகள் என பலரின் பங்­கு­பற்­று­த­லுடன் நேற்று திங்­கட்­கி­ழமை காலை தெஹி­வளை பெரிய பள்­ளி­வா­சலில் நடை­பெற்­றது.

இச்­சந்­திப்பில் அமைச்­சர்கள் ரிசாத் பதி­யுதீன், ஏ.எச்.எம்.பௌசி பாரா­ளு­மன்ற உறுப்­பி­னர்கள் முஜிபுர் ரஹ்மான், எம்.எஸ். மரிக்கார் மற்றும் அசாத்­சாலி உட்­பட பலர் கலந்து கொண்­டனர்.

கொழும்பு பள்­ளி­வா­சல்கள் சம்­மே­ள­னத்தின் செய­லா­ளரும் R.R.T. அமைப்பின் தலை­வ­ரு­மான சட்­டத்­த­ரணி சிராஸ் நூர்தீன் பாத்யா மாவத்தை பள்­ளி­வாசல் தொடர்­பான பிரச்­சி­னை­களை முன்­வைத்தார்.

அவர் பொலிஸ் உயர் அதி­கா­ரி­க­ளிடம் விளக்­க­ம­ளிக்­கையில் பாத்யா மாவத்தை பள்­ளி­வாசல் மாந­கர சபை­யி­ட­மி­ருந்து சட்­ட­ரீ­தி­யான அனு­மதி பெறப்­பட்டே விஸ்­த­ரிப்பு செய்­யப்­ப­டு­கின்­றது. இந்த விஸ்­த­ரிப்­புப்­பணி எதிர்ப்பு நட­வ­டிக்­கை­களில் பௌத்த தேரர்கள் சிலர் ஈடு­பட்­டுள்­ளனர். பொலிஸார் இந்த விஸ்­த­ரிப்பு பணி­களை நிறுத்தி வரு­கின்­றனர்.

கடந்த சனிக்­கி­ழமை மாலை 4 மணிக்கு அங்கு வந்த கொஹு­வளை பொலிஸார் விஸ்­த­ரிப்பு பணி­களை நிறுத்­தி­ய­துடன் விஸ்­த­ரிப்பு பணி­களில் ஈடு­பட்­டி­ருந்த மேசன்­மா­ரையும் தடுத்­த­துடன் தொடர்ந்தும் பள்­ளி­வாசல் விஸ்­த­ரிப்பு பணியில் ஈடு­ப­டு­வ­தென்றால் பொலிஸில் அனு­மதி பெற­வேண்­டு­மெ­னவும் அறி­வு­றுத்­தி­யுள்­ளனர்.

பொலி­ஸா­ரினால் இவ்­வாறு தடை­செய்ய முடி­யாது. பொலிஸார் பய­மு­றுத்தி வரு­கி­றார்கள். நீதி மன்றம் தடை­யுத்­த­ர­வொன்றைப் பிறப்­பித்­தாலே விஸ்­த­ரிப்பு பணி­களை நிறுத்த முடியும்.

முஸ்­லிம்கள் ஆட்­சி­மாற்­றத்­திற்கு பெரிதும் ஒத்­து­ழைத்­தார்கள் என்­றாலும் இன்று பள்­ளி­வாசல் நிர்­மா­ணங்­களும் விஸ்­த­ரிப்­பு­களும் பொலி­ஸா­ரி­னாலும் தேரர்­க­ளாலும் தடுக்­கப்­ப­டு­கின்­றன.

இவை சட்­டத்­துக்கும் நீதிக்கும் புறம்­பான செயற்­பா­டு­க­ளாகும் என்­பதை எடுத்து விளக்­கினார்.

இதனை­ய­டுத்து ஒரு வார காலத்­துக்குள் பள்­ளி­வா­சலின் சிறிய விஸ்­த­ரிப்பு பணி­களை மாத்­திரம் பூர்த்தி செய்து கொள்­வ­தற்கு பிரதி பொலிஸ்மா அதிபர் அனு­மதி வழங்­கி­யுள்ளார். ஏனைய விஸ்­த­ரிப்பு நட­வ­டிக்­கைகள் தொடர்பில் உரிய நட­வ­டிக்­கைகள் மேற்­கொள்­ளப்­படும் என்றார்.

நடை­பெற்ற சந்­திப்பில் கொஹு­வளை பொலிஸ் நிலைய பொறுப்­ப­தி­காரி, சிரேஷ்ட பொலிஸ் அத்­தி­யட்­சகர், உதவி பொலிஸ் அத்­தி­யட்­சகர் ஆகியோர் கலந்து கொண்­டி­ருந்­தனர்.

இதே­வேளை, தெஹி­வளை, கல்­கிசை மாந­கர சபை முதல்வர் ஏ.எம்.டீ.எச்.தன­சிறி அம­ர­துங்க கடந்த மே மாதம் 30 ஆம் திகதி பள்­ளி­வாசல் விஸ்­த­ரிப்பு பணி­களை தற்­கா­லி­க­மாக நிறுத்­தும்­படி பள்­ளி­வாசல் நிர்­வா­கத்­துக்கு கடிதம் ஒன்­றினை அனுப்பி வைத்­துள்ளார்.

அந்தக் கடி­தத்தில் குறிப்­பி­டப்­பட்­டுள்­ள­தா­வது தெஹி­வளை, களு­போ­வில, ஸ்ரீமா விகாரை வீதி, இலக்கம் 84 இல் கல்வி நட­வ­டிக்­கை­க­ளுக்­காக கட்­டடம் ஒன்று நிர்­மா­ணிப்­ப­தற்கு KBB/ 143/2015 இலக்க அனு­ம­திப்­பத்­திரம் வழங்­கப்­பட்­டுள்­ளது.

என்­றாலும் இப்­பி­ர­தேச மக்கள் இந்த கட்­டட நிர்­மா­ணத்­துக்கு எதிர்ப்பு தெரி­விப்­பதால் இது தொடர்­பான விசா­ர­ணை­யொன்று நடத்தி தீர்­மானம் ஒன்று மேற்­கொள்ளும் வரை கட்­டட நிர்­மாண பணி­களை தற்­கா­லி­க­மாக நிறுத்­தும்­படி வேண்டிக் கொள்­கிறேன் எனத் தெரி­விக்­கப்­பட்­டுள்­ளது.

கடி­தத்தின் பிர­திகள் களு­போ­வில பாதியா மாவத்தை சார­னந்த தம்ம பன்­ச­லையைச் சேர்ந்த என­மல்­தெ­னியே சார­னந்த தேரர் களு­போ­வில களுபோவில ஹத்போதி ரஜமகா விகாரையைச் சேர்ந்த கரவனெல்லே காசியப்ப தேரர் மற்றும் கொஹுவலை பொலிஸ் நிலைய பொறுப்பதிகாரிகளுக்கும் அனுப்பி வைக்கப்பட்டுள்ளன.