பொறுமை காக்குமாறு, முஸ்லிம் அரசியல்வாதிகள் வேண்டுகோள்

தெஹி­வளை பாத்யா  மாவத்தை  பள்­ளி­வாசல் விவகாரத்தில் கொஞ்சநாட்கள் பொறுமை காக்குமாறு முஸ்லிம் அரசியல்வாதிகள் வேண்டுகோள் விடுத்துள்ளனர்.

கொழும்பில் 175 பள்ளிவாசல்களை இணைத்துக்கொண்டு பொலிஸாருக்கு எதிராகவும், நல்லாட்சிக்கு எதிராக ஆர்ப்பாட்டமொன்றை முன்னெடுக்க திட்டமிடப்பட்டுள்ள நிலையிலேயே முஸ்லிம் அரசியல்வாதிகள் இந்த வேண்டுகோளை விடுத்துள்ளனர்.

தெஹி­வளை பாத்யா  மாவத்தை  பள்­ளி­வாசலில் புதன்கிழமை இரவு நடைபெற்ற உயர்மட்டக் கலந்துரையாடலின் போதே முஸ்லிம் அரசியல்வாதிகள் இந்த வேண்டுகோளை விடுத்துள்ளனர்.

தாம் ஜனாதிபதி, பிரதமர் மற்றும் அமைச்சர் சாகல ரத்நாயக்கா ஆகியோருடன் தொடர்பு கொண்டுள்ளதாகவும் அவர்களிடமிருந்து சாதக பதில் கிடைக்குமென தாம் நம்புவதாகவும் அதுவரை பொறுமை காக்குமாறும் முஸ்லிம் அரசியல்வாதிகள் கொழும்பு மாவட்ட பள்ளிவாசல்கள் சம்மேனத்திடம் கோரிக்கை விடுத்துள்ளனர்.

குறித்த சந்திப்பில் அமைச்சர்கள் ரவூப் ஹக்கீம், பௌசி ஆகியோர் கலந்துகொள்ளவில்லை என்பது கவனிக்கத்தக்கது.