பிரிட்டன்,, ஐரோப்பிய ஒன்றியத்திலிருந்து வெளியேறுகிறது - பவுண்ட் வீழ்ந்தது

-BBC-

பிரிட்டனில் பெரும்பான்மை வாக்காளர்கள் , ஐரோப்பிய ஒன்றியத்துடனான 43 ஆண்டு கால உறவை முடிவுக்குக் கொண்டுவர வாக்களித்திருக்கிறார்கள் என்று பிபிசி இப்போது கணித்திருக்கிறது

பெரும்பான்மையான வாக்குகள் எண்ணப்பட்டுவிட்ட நிலையில், வாக்களித்தவர்களில் 52 சதவீதத்தினர் , பிரிட்டன் வெளியேற வேண்டும் என்று வாக்களித்திருக்கிறார்கள்.

ஐரோப்பிய ஒன்றியத்திலேயே பிரிட்டன் தொடர்ந்து இருக்கவேண்டும் என்ற தரப்பு லண்டனிலும், ஸ்காட்லாந்திலும் பெரும்பான்மையைப் பெற்றது ஆனால் நாட்டின் பிற பகுதிகளில் பெரும்பான்மையான இடங்களில் , ஐரோப்பிய ஒன்றியத்தை விட்டு விலகவேண்டும் என்ற தரப்புக்கே ஆதரவு கிடைத்திருக்கிறது.

பிரிட்டன் இப்போது முன்பு பயணிக்காத பாதையில் செல்கிறது என்று பிரதமர் டேவிட் கேமரனுக்கு நெருக்கமான அதிகாரி ஒருவர் கூறினார்.

இந்தக் கருத்துக் கணிப்பின் தாக்கம் பிரிட்டனிலும், ஐரோப்பாவிலும் அதற்கப்பாலும், இன்னும் சற்று காலத்துக்கு, பெரும் அரசியல் மற்றும் பொருளாதார விளைவுகளை ஏற்படுத்தக்கூடியதாக இருக்கும் என்று பிபிசியின் அரசியல் செய்தியாளர் கூறுகிறார்.

2

பிரிட்டனில் ஐரோப்பிய ஒன்றிய அங்கத்துவம் குறித்த கருத்தறியும் வாக்கெடுப்பின் முடிவுகள் வெளியான நிலையில் அதன் நாணயமான, பவுண்ட் ஸ்டெர்லிங்கின் மதிப்பு கடந்த 30 ஆண்டுகளில் காணாத பெரும் வீழ்ச்சியை சந்தித்தது.

நாணய வர்த்தகர்கள் இந்த வாக்கெடுப்பு முடிவுகளை அதிர்ச்சியுடன் எதிர்கொண்டதை அடுத்து இந்த வீழ்ச்சி ஏற்பட்டது.

வாக்கெடுப்பு எண்ணிக்கை நடந்த முதல் ஒரு மணி நேரத்தில் அமெரிக்க டாலருக்கு எதிராக பவுண்ட் ஸ்டெர்லிங் உயர்ந்தது ஆனால் பிரிட்டன் ஐரோப்பிய ஒன்றியத்தை விட்டு விலக வேண்டும் என்ற தரப்பு வெல்லக்கூடும் என்று ஆரம்பகட்ட வாய்ப்புகள் தெரியத் தொடங்கியபோது மீண்டும் அது வீழ்ந்தது.

உலக பொருளதார நெருக்கடி 2008ம் ஆண்டில் ஏற்பட்டதிலிருந்து இத்தகைய அதிரடியான வீழ்ச்சியை தாங்கள் பார்த்ததில்லை என்று வர்த்தகர்கள் கூறுகின்றனர்.

ஆசியப் பங்குகளும் விலைகளில் சரிவைச் சந்தித்தன.

ஒரு கட்டத்தில், ஜப்பானின் எதிர்கால வர்த்தக சந்தைகள் சுட்டெண் பெரும் ஏற்ற இறக்கங்களை சந்தித்து, அதன் மின்சார தொடர்பே துண்டிக்கப்பட்டு , சந்தை வர்த்தகம் இடை நிறுத்தப்படும் நிலைக்கு வந்தது.