முஸ்லிம்களை பிக்கு நிந்தித்தமையே, பௌத்தகொடி­ எரிப்புக்கு காரணம் - ஜனாதிபதியும் தலையீடு

 -ARA.Fareel-

மஹி­யங்­கனை நக­ரத்­தி­லுள்ள பன்­ச­லையில் கடந்த நோன்­மதி தினத்­தன்று பௌத்த தேரர் நிகழ்த்­திய மார்க்க பிர­சங்­கத்தில்  முஸ்­லிம்­களைப் பற்றி தவ­றாக சித்­தி­ரித்­த­மை­யை­ய­டுத்து முஸ்லிம் இளை­ஞர்கள் பௌத்த கொடி­களை எரித்­த­தாக முறை­ப்பாடு செய்­யப்­பட்டது.

இதனையடுத்து 8 முஸ்லிம் இளை­ஞர்கள் பதுளை நீதி­மன்ற நீதிவான் முன்­னி­லையில் ஆஜர்­ப­டுத்­தப்­பட்டு 14 நாட்கள் விளக்­க­ம­றி­யலில் வைக்­கப்­பட்­டுள்­ளனர். 

சம்­பவம் ஸ்ரீலங்கா முஸ்லிம் கவுன்­ஸி­லினால் மாகாண சபைகள் மற்றும் உள்­ளூ­ராட்சி அமைச்சர் பைசர் முஸ்­த­பாவின் கவ­னத்­திற்கு கொண்­டு­வ­ரப்­பட்டு ஜனா­தி­பதி மைத்­தி­ரி­பால சிறி­சே­ன­வுக்கு முன்­வைக்­கப்­பட்­டது.

ஜனா­தி­ப­தியின் உத்­த­ரவின் பேரில் இரு தரப்­பி­ன­ருக்­கு­மி­டையில் சமா­தானப் பேச்­சு­வார்த்­தைக்கு ஏற்­பாடு செய்­யப்­பட்­டது. மஹி­யங்­கனை பொலிஸ் நிலை­யத்தில் ஏற்­பாடு செய்­யப்­பட்­டுள்ள இப்­பேச்சு வார்த்­தைக்கு பங்­க­ர­கம்­மன மற்றும் தம்­ப­கொல்ல பள்­ளி­வா­சல்­களின் பிர­தி­நி­திகள் பௌத்த தேரர்கள் சம்­பந்­தப்­பட்ட இளை­ஞர்கள் சார்பில் உற­வி­னர்கள் அழைக்­கப்­பட்­டுள்­ளனர். இச்­செய்தி எழு­தப்­படும் வரை பேச்­சு­வார்த்தை முற்றுப் பெற­வில்லை. 

இச்­சம்பவம் பற்றி தம்­ப­கொல்ல மஸ்­ஜிதுல் நூர் தக்­கியா பள்­ளி­வாசல் உறுப்­பினர் அபூ­ஹ­னீபா 'விடி­வெள்ளி'க்கு விளக்­க­ம­ளிக்­கையில் தெரி­வித்­த­தா­வது,

'கடந்த நோன்­மதி தினம் 21 ஆம் திகதி இரவு மஹி­யங்­கனை நகர் பன்­ச­லையில் மார்க்க பிர­சங்கம் நிகழ்த்­தப்­பட்­டுள்­ளது. பௌத்த தேரர் ஒருவர் தனது பிர­சங்­கத்தில் முஸ்­லிம்­களை நிந்­தித்து பேசி­யுள்ளார்.

இதை­ய­டுத்து அன்­றைய தினம் இரவு 12 மணி­ய­ளவில் பங்­க­ர­கம்­ம­னயைச் சேர்ந்த இளை­ஞர்கள் சிலர் பௌத்த கொடியை தீயிட்டு எரித்­த­தாக கூறி பெரும்­பான்மை இனத்­த­வர்­களால் எச்­ச­ரிக்­கப்­பட்­டி­ருக்­கி­றார்கள். எரித்த பௌத்த கொடி­க­ளுக்குப் பதி­லாக புதிய கொடிகள் வாங்கிக் தரும்­ப­டியும் கூறி சமா­தா­ன­மா­கி­யி­ருக்­கி­றார்கள். 

அடுத்த நாள் காலை பெரும்­பான்மை இனத்தைச் சேர்ந்த வேறு சிலர் ஜப்பார் என்­ப­வ­ரது வீட்டைத் தட்டி அச்­சு­றுத்­தி­யி­ருக்­கி­றார்கள். தம்­ப­கொல்­ல­யி­லுள்ள பன்­ச­லையின் தேரர் இளை­ஞர்­களை அடிக்க வேண்டாம் என பெரும்­பான்மை இனத்­த­வ­ரிடன் சமா­தானம் பேசி­யி­ருக்­கிறார்.

என்­றாலும் மேலும் பலர் தகா­த­வார்த்­தை­களால் முஸ்­லிம்­க­ளுக்கு ஏசி மஹி­யங்­கனை பொலி­ஸிலும் முறை­ப்பாடு செய்­துள்­ளனர். இத­னை­ய­டுத்து சம்­பந்­தப்­பட்ட 8 இளை­ஞர்­களும் முஸ்­லிம்­களால் பொலிஸில் ஒப்­ப­டைக்­கப்­பட்­டி­ருக்­கி­றார்கள்.

தேரர்கள் பொலிஸ் நிலையம் சென்று இளை­ஞர்­களை தம்மிடம் ஒப்படைக்கும்படி கேட்­டி­ருக்­கி­றார்கள். 

23 ஆம் திகதி இரவு பெரும்­பான்மை இன வாலி­பர்­க­ளுக்கும் முஸ்­லிம்­க­ளுக்­கு­மி­டையில் முறுகல் நிலை ஏற்பட்டுள்ளது.

முஸ்லிம்கள் 119 க்கு முறைப்பாடு செய்ததையடுத்து தற்போது பங்கரகம்மன முஸ்லிம் கிராமத்துக்கு பொலிஸ் பாதுகாப்பு ரோந்து சேவை வழங்கப்பட்டுள்ளது.

பங்கரகம்மன கிராமத்தில் சுமார் 600 முஸ்லிம் குடும்பங்கள் வசித்து வருகின்றமை குறிப்பிடத்தக்கது.