முஸ்லிம்களை இலக்கு வைத்து தாக்குதல் நடத்தவில்லை - அரசு பாராளுமன்றத்தில் அறிவிப்பு

இலங்கையில் சிறுபான்மை மதத்தை சேர்ந்தவர்கள் மீது அச்சுறுத்தல்களோ, தாக்குதல்களோ இல்லையென அரசாங்கம் அறிவித்துள்ளது.

பாராளுமன்றத்தில் இன்று ஐக்கிய தேசிய கட்சி பாராளுமன்ற உறுப்பினர் ரவி கருணாநாயக்க எழுப்பிய கேள்விக்கு, பிரதி பௌத்த சாசன அமைச்சர் எம்.கே.ஏ.டி.எஸ். குணவர்தன பதிலளிக்கும்போதே மேற்கண்டவாறு தெரிவித்துள்ளார்.

நாட்டில் முஸ்லிம்களை இலக்கு வைத்து தாக்குதல் நடத்தவில்லை என அவர் தெரிவித்துள்ளார். எனினும், மத முரண்பாடுகள் தொடர்பில் யாரும் கேள்வி எழுப்பவில்லை என அவர் குறிப்பிட்டுள்ளார்.

இதேவேளை, சரியான முறையில் மதத்தை பின்பற்றுவோரை மதம் மாற்ற முடியாது என பிரதமர் டி.எம். ஜயரட்ன தெரிவித்துள்ளார்.