'மத முரண்பாடுகள் தொடர்பிலான செய்தி பிரசுரத்தின் போது, ஊடகங்கள் பொறுப்புடன் செயற்பட வேண்டும்'

மத முரண்பாடுகள் தொடர்பிலான செய்தி பிரசூரத்தின் போது ஊடகங்கள் பொறுப்புணர்ச்சியுடன் செயற்பட வேண்டுமென பிரதி அமைச்சர் பைசர் முஸ்தபா தெரிவித்துள்ளார்.

அண்மைக் காலமாக ஊடகங்களினால் வெளியிடப்பட்டு வரும் செய்திகள் மத முரண்பாடுகளை ஊக்குவிக்கும் வகையில் அமைந்துள்ளதாகக் குறிப்பிட்டுள்ளார்.

சில தரப்பினர் மத முரண்பாடுகளை தோற்றுவிக்க ஊடகங்களைப் பயனப்டுத்திக்கொள்கின்றனர் என அவர் சுட்டிக்காட்டியுள்ளார்.

இன மற்றும் மதக் குரோதங்களை தூண்டும் வகையில் ஊடகங்களில் வெளியாகும் செய்திகள் மறைமுகமாக மத முரண்பாடுகளை தூண்டுவதாகத் தெரிவித்துள்ளார்.

ஊடகங்கள் பொறுப்புணர்ச்சியுடன் செயற்பட்டு நாட்டில் நல்லிணக்கத்தை ஏற்படுத்த வழியமைக்க வேண்டுமென அவர் வலியுறுத்தியுள்ளார். gtn