விரிவுரையாளர் நியமனங்கள் தொடர்பில் எழுத்து மூலம் முறையீடு

தென்கிழக்குப் பல்கலைக்கழகத்தின் அரபு இஸ்லாமிய பீடத்துக்கென அண்மையில் மேற்கொள்ளப்பட்ட 05 விரிவுரையாளர் நியமனங்கள் முறைகேடான வகையில் வழங்கப்பட்டுள்ளதாகத் தெரிவித்து தென்கிழக்குப் பல்கலைக்கழகத்தின் மூதவை மற்றும் மேல்சபை ஆகியவற்றிடம் எழுத்து மூலம் முறையீடு செய்யப்பட்டுள்ளது. 

தென்கிழக்குப் பல்ககைலக்கழகத்தின் அரபு இஸ்லாமிய பீடத்தின் விரிவுரையாளர்கள் மற்றும் சிரேஷ்ட விரிவுரையாளர்கள் 07 பேர் ஒப்பமிட்டு மேற்படி முறையீட்டினை அனுப்பி வைத்துள்ளனர். இது தொடர்பாக மேற்படி முறைப்பாட்டில் மேலும் தெரிவிக்கப்பட்டள்ளதாவதுளூ கடந்த மே மாதம் 15 ஆம் திகதி இடம்பெற்ற நேர்முகத் தேர்வின் அடிப்படையில் மேற்படி  05 விரிவுரையாளர்களுக்குமான நியமனங்கள் வழங்கப்பட்டுள்ளன. 

ஆயினும், நேர்முகப் பரீட்சையின் போது, இஸ்லாமிய கற்கைத்துறைத் தலைவரின் ஆலோசனைகள் எவையும் இந்த நியமனங்கள் தொடர்பில் பெறப்படவில்லை. மேலும், பல்கலைக்கழக மானியங்கள் ஆணைக்குழுவின் ஆட்சேர்ப்பு முறைமைக்கு  முரணாகவே மேற்படி நியமனங்கள் தொடர்பான செயற்பாடுகள் இடம்பெற்றுள்ளன என மேற்படி முறைப்பாட்டில் தெரிவிக்கப்பட்டுள்ளது. எனவே, இந்த முறையற்ற நியமனங்கள் தொடர்பில் நடவடிக்கை எடுப்பதோடு, குறித்த நியமனங்களை ரத்துச் செய்யுமாறு முறையீட்டாளர்கள் அந்த முறைப்பாட்டில் வேண்டுகோள் விடுத்துள்ளனர்.